თბილისის სახელმწიფო უნივერსიტეტში, სადაც 100 წლის იუბილესადმი მიძღვნილი ღონისძიება მიმდინარეობს, მორიგი ინციდენტი მოხდა.

იმ დროს, როცა პრემიერი უნივერსიტეტის შენობას ტოვებდა, აუდიტორია 115-ის წევრებმა დარბაზში შესვლაზე მათთვის  უარის თქმა გააპროტესტეს და პრემიერი გააკრიტიკეს.

"დაცვის გარეშე ვერ დადიხართ?",-მიაძახეს პრემიერს სტუდენტებმა.

"ვინ ვერ დადის დაცვის გარეშე? მოდით, დავილაპარაკოთ",-გამოეხმაურა გიორგი კვირიკაშვილი და მათგან პირადად მოისმინა პროტესტის მიზეზი, რომ დარბაზში სტუდენტები არ შეუშვეს.

კვირიკაშვილის თქმით, სიის შედგენა მის მიერ არ მომხდარა, მაგრამ როგორც აქვს ინფორმაცია, აუდიტორია 115-ის წარმომადგენელები ესწრებოდნენ ღონისძიებას, რაც სტუდენტებმა უარყვეს.

კვირიკაშვილის განცხადებით, მას სტუდენტებთან კომუნიკაციაზე უარი არასდროს უთქვამს და არც დაცვა სჭირდება:

"ძალიან უხერხულია.მე არასდროს თქვენთან კომუნიკაციაზე უარი არ მითქვამს, ახლაც მოვედი, მაშინაც მოვედი და საერთოდ არ მჭირდება დაცვა",-მიმართა აუდიტორია 115-ის წევრებს პრემიერმა. "ყოველ კომუნიკაციას თან ახლდა უფრო და უფრო ნდობის გაციება თქვენსა და ჩვენს შორის, რადგან ვიღებდით დაპირებებს, რომელსაც არ ასრულებდით. თქვენ ხართ სივრცეში, რომელიც შეიქმნა თავისუფლებისა და თანასწორობის იდეაზე და დღეს თანასწორობის ვერანაირი მაგალითი ვერ დავინახეთ.სტუდენტები იყვნენ გარეთ და თქვენ-პოლიტიკური ელიტა იყავით შიგნით ",-უპასუხეს გიორგი კვირიკაშვილს სტუდენტებმა.

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო