ივანე ჯავახიშვილის სახელობის თბილისის სახელმწიფო უნივერსიტეტის  პირველ კორპუსში, სადაც 100 წლისთავთან დაკავშირებით საიუბილეო ღონისძიება უნდა დაიწყოს, მცირე ინციდენტი მოხდა.

„აუდიტორია 115“ ღონისძიებაზე დასწრებას ითხოვდა, რისი საშუალებაც მათ არ მისცეს, ვინაიდან ძირითადად ღონისძიებას მოწვეული სტუმრები ესწრებიან.

"გვიშუამდგომლე, რომ შეგვიშვან", - მიაძახეს მათ პრემიერ გიორგი კვირიკაშვილს.

სტუდენტები ამბობენ, რომ უნივერსიტეტის საიტზე მითითებული იყო იმ ღონისძიებათა სია, რომელიც  გახსნილია და ნებისმიერ მსურველველს შეუძლია  დასწრება.

 "ბევრი სტუდენტი ჩამოვიდა სპეციალურად რეგიონიდან, რომ დასწრებოდა დღევანდელ ღონისძიებას და სწორედ გაურკვეველი მიზეზით არ გვიშვებენ უნივერსიტეტში. გვეუბნებიან, რომ თითქოს სტუდენტები შეირჩა აკადემიური მოსწრების მიხედვით, თუ ასეა კი ბატონო, მაშინ ვითხოვთ მარტივ რაღაცას, შეგვიმოწმონ ჩვენც აკადემიური მოსწრება და თუ ვერ ვაკმაყოფილებთ კრიტერიუმებს, არ შეგვიშვან",-განაცხადა აუდიტორია 115-ის წევრმა გიორგი არობელიძემ.

სტუდენტებს კიდევ ერთხელ განუმარტეს, რომ დარბაზში შესვლა მოსაწვევით ხდება. "დარბაზი 700 კაცზე მეტს ვერ დაიტევს და ყველას ვერ მიეცემა შემოსვლის საშუალება",-განაცხადეს ღონისძიების ორგანიზატორებმა.

ღონისძიება ცოტა ხანში დაიწყება. მას თსუ-ს რექტორი გიორგი შარვაშიძე, საქართველოს კათოლიკოს-პატრიარქი ილია მეორე, საქართველოს პრემიერ-მინისტრი გიორგი კვირიკაშვილი, განათლებისა და მეცნიერების მინისტრი მიხეილ ჩხენკელი, საქართველოს მთავრობის და საკანონმდებლო ორგანოს წარმომადგენლები, 50-მდე ქვეყნის უნივერსიტეტების წარმომადგენლები, სტუდენტები, პროფესორ-მასწავლებლები და მოწვეული სტუმრები დაესწრებიან. 

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო