პროექტი „წერილები ჯარიკაცებს" გრძელდება. იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ დირექტორი თათია ხოჭოლავა ქალაქ თბილისის 177-ე საჯარო სკოლას ესტუმრა და უმცროსკლასელების მიერ წერილების წერის პროცესს დაესწრო.

ცენტრის ინფორმაციით, 177-ე საჯარო სკოლის IV კლასის მოსწავლეებმა ავღანეთში, „მტკიცე მხარდაჭერის“ მისიაში მონაწილე ქართველ სამხედრო მოსამსახურეების სახელზე წერილები მოამზადეს. ბავშვებმა წერილები შეიარაღებული ძალების წარმომადგენლებს პირადად გადასცეს. სამხედროებმა ბავშვებს თანადგომისთვის მადლობა გადაუხადეს და ავღანეთის საერთაშორისო მისიაში ქართველი ჯარისკაცების როლზე ესაუბრნენ. მათ სკოლის აღსაზრდელებს ქართველი მშვიდობისმყოფელების მიერ ჩატარებული ჰუმანიტარული მისიებიც გააცნეს. მოგვიანებით, მოზარდებთან შეხვედრა კითხვა-პასუხის რეჟიმში წარიმართა.

მოსწავლეებთან შეხვედრას სამხედრო მოსამსახურეები, თავდაცვისა და განათლებისა და მეცნიერების სამინისტროების წარმომადგენლები დაესწრნენ.

პროექტი „წერილები ჯარისკაცებს" საქართველოს იუსტიციის სამინისტროს ინიციატივაა, რომელიც თავდაცვისა და განათლებისა და მეცნიერების სამინისტროებთან ერთად ხორციელდება. პროგრამის აქტივობების შესაბამისად, მოსწავლეები საერთაშორისო მისიაში მონაწილე  ქართველ ჯარისკაცებს წერილებს უგზავნიან და მათგან საპასუხო ბარათებს იღებენ. სკოლების ინფორმირებას პროგრამის შესახებ, მოსწავლეთა ჩართულობასა და წერილების შეგროვებას იუსტიციის სამინისტროს სსიპ „დანაშაულის პრევენციის ცენტრი“ უზრუნველყოფს, წერილებს კი თავდაცვის სამინისტრო ავღანეთში აგზავნის, საიდანაც სამხედროების მოწერილი საპასუხო ბარათებიც ჩამოაქვს.

სსიპ „დანაშაულის პრევენციის ცენტრმა“ წელს 2000  წერილი შეაგროვა. პროგრამაში 11 ქალაქის 42 სკოლა ჩაერთო. მე-4 და მე-5 კლასის მოსწავლეებმა ჯარისკაცებს სამშობლოში მშვიდობით დაბრუნება უსურვეს. წერილებს საქართველოდან „მტკიცე მხარდაჭერის" მისიაში მონაწილე ქართველი მშვიდობისმყოფელები რამდენიმე კვირაში მიიღებენ. პროექტის მიზანი სამშობლოდან შორს მყოფი მებრძოლებისათვის თანადგომისა და მხარდაჭერის გამოხატვაა.

(NS)

ავტორი: ,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას