იანვარში საქართველოს მასშტაბით წითელას 102 შემთხვევა დაფიქსირდა

2018-01-30 14:40:12, 2063 ნახვა

საზოგადოება

ჯანმრთელობის ეროვნული ცენტრის გენერალური დირექტორის ამირან გამყრელიძის ინფორმაციით, იანვრის თვეში ქვეყნის მასშტაბით წითელას 102 შემთხვევა დაფიქსირდა.

მისივე ინფორმაციით, დინამიკა მზარდია, თუმცა დაავადებასთან საბრძოლველად მთელი რიგი ღონისძიებები ტარდება.

„2017 წლის მეორე ნახევრიდან და განსაკუთრებით წელს, 2018 წლის დასაწყისში, აღინიშნება წითელას შემთხვევების ზრდის დინამიკა. იანვრის თვის განმავლობაში, გუშინდელი რიცხვით ჩვენ გვაქვს წითელას 102 შემთხვევა. 84% ამ შემთხვევებისა ძირითადად დაფიქსირებულია აჭარის რეგიონში და აჭარის რეგიონში უკვე 1 თვეა და მეტი მიმდინარეობს ინტენსიური ღონისძიებები წითელას აფეთქების შეკავების მიზნით", - განაცხადა ამირან გამყრელიძემ.

დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილე პაატა იმნაძე საზოგადოებას დროული აცრისკენ მოუწოდებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები