|
2018-01-26 16:39:45, 3228 ნახვა
ეკონომიკა
„ტერაბანკი“ ოფიციალურ განცხადებას ავრცელებს
„ტერაბანკი“ ოფიციალურ განცხადებას ავრცელებს. როგორც განცხადებაშია აღნიშნული, „იურიდიული ფირმა “BLB-ისა“ და ყოფილი მეანაბრის მხრიდან კვლავ გრძელდება „ტერაბანკის“ მიმართ მიზანმიმართული ცილისმწამებლური კამპანია, რაც მიზნად ისახავს საზოგადოების შეცდომაში შეყვანასა და ბანკის რეპუტაციის საფრთხის ქვეშ დაყენებას. „ჩვენს ერთგულ მომხმარებლებს და დაინტერესებულ საზოგადოებას ვაცნობებთ, რომ პირველი ინსტანციის სასამართლოს მიერ საქმის განხილვის პროცესში ცალსახად დადასტურდა, რომ მოსარჩელეები მიზანმიმართულად აკეთებდნენ მცდარ განცხადებებს და რომ ბანკს არ მიუთვისებია მისი ყოფილი კლიენტის ანაბარი, როგორც ამას მოსარჩელე ამტკიცებდა სარჩელში და სხვადასხვა საჯარო გამოსვლაში. ასევე ხაზგასმით გვინდა ავღნიშნოთ რომ სასამართლომ მოსარჩელის მიერ მოთხოვნილი თანხის მხოლოდ მცირე ნაწილი - დაახლოებით 20% დააკმაყოფილა. თუმცა ბანკი ამ თანხასაც არ ეთანხმება და დასაბუთებული გადაწყვეტილების მიღებისთანავე აპირებს გაასაჩივროს პირველი ინსტანციის სასამართლოს გადაწყვეტილება შემდგომ ინსტანციაში. მნიშვნელოვანია ასევე, რომ პირველი ინსტანციის სასამართლომ არ შეისწავლა და სამართლებრივი შეფასება არ მისცა ბანკის მიერ წარდგენილ უდავო მტკიცებულებებს, რითიც დასტურდება ბანკის ყოფილი თანამშრომლის და ყოფილი მეანაბრის შეთანხმებული მოქმედებები. რაც შეეხება ბრალდებებს კონფიდენციალობის დარღვევასთან დაკავშირებით, ბანკმა გაასაჯაროა მხოლოდ ის ინფორმაცია, რაც წარდგენილი იყო სასამართლოზე და შესაბამისად იყო საჯარო. ამასთანავე ინფორმაციის გამჟღავნება მოხდა მხოლოდ იმ ფარგლებში, რაც აუცილებელი იყო ბანკის კანონიერი ინტერესების დასაცავად.“ ბანკი აგრძელებს დავას მოსარჩელესთან, მასა და ბანკის თანამშრომელს შორის არსებული გარიგების შედეგად ბანკისთვის მიყენებული მატერიალური ზიანისა და მოსარჩელის მცდარი განცხადებების შედეგად მიყენებული რეპუტაციული ზიანის ასანაზღაურებლად. „ტერაბანკი“ თავისი საქმიანობისას ყოველთვის ხელმძღვანელობს საქართველოს კანონმდებლობით და ბანკის ყველა შემდგომი მოქმედება დამოკიდებული იქნება მიმდინარე სამართლებრივი პროცესების დასრულების შედეგებზე", - ნათქვამია განცხადებაში.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





