ბიუროს დღევანდელ სხდომაზე  ახალ საკანონმდებლო ინიციატივებსა და საორგანიზაციო საკითხებზე იმსჯელეს.

პარლამენტის თავმჯომარის მოადგილის, გიორგი ვოლსკის ინფორმაციით, პარლამენტში შემოსულია  საქართველოს პრეზიდენტის მომართვა პარლამენტის 2017 წლის 22 დეკემბერს მიღებული და ხელმოსაწერად წარდგენილი „მაუწყებლის შესახებ" საქართველოს კანონში ცვლილების შეტანის თაობაზე  და „სახელმწიფო შესყიდვების შესახებ" საქართველოს კანონში ცვლილებების შეტანის თაობაზე კანონპროექტების მოტივირებული შენიშვნებით დაბრუნების შესახებ. 

როგორც ბიუროს სხდომაზე ითქვა, აღნიშნული საკითხი განსახილველად გადაეცემა დარგობრივი ეკონომიკისა და ეკონომიკური პოლიტიკის კომიტეტს. პარლამენტი საკითხს საგაზაფხულო სესიის დაწყებისთანავე განიხილავს.

დღევანდელ სხდომაზე ბიურომ დაამტკიცა ფრაქციების შექმნასთან დაკავშირებით საპროცედურო საკითხთა და წესების კომიტეტის მიერ წარმოდგენილი კვოტების ახალი გადანაწილება.

საფინანსო-საბიუჯეტო კომიტეტის თავმჯდომარის, ირაკლი კოვზანაზის ინფორმაციით, 2017 წლის სახელმწიფო ბიუჯეტი გადაჭარბებით შესრულდა. „2017 წლის ბიუჯეტის შემოსულობების ნაწილი  ჩვენ დაგეგმილი გვქონდა 11მლრდ 487 მლნ ლარის ფარგლებში. რეალურად მივიღეთ 11 მლრდ. 619 მლნ ლარი, რაც ნიშნავს იმას, რომ გადაჭარბებამ შეადგინა 131მლნ 500 ათასი ლარი", - განაცხადა ირაკლი კოვზანაძემ.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს