ამერიკის შეერთებული შტატების სახელმწიფო მდივანმა ჯონ ქერიმ რუსეთის ფედერაციის პრეზიდენტთან ვლადიმერ პუტინთან და რუსეთის საგარეო საქმეთა მინისტრთან სერგეი ლავროვთან მოლაპარაკებებს გულწრფელი უწოდა.
პრესკონფერენციაზე ქერიმ პუტინს მადლობა გადაუხადა იმისთვის, რომ განუმარტა რუსეთის პოზიცია არსებულ გამოწვევებთან მიმართებაში.
„შეერთებულ შტატებს მიაჩნია, რომ მინსკის შეთანხმება არის საუკეთესო გზა მშვიდობის დამყარებისთვის და მისი ყველა პუნქტი ზედმიწევნით უნდა შესრულდეს. ჩვენ შეშფოთებულები ვართ ადგილზე არსებული მდგომარეობით, რადგან გრძელდება ბრძოლები, სეპარატისტების შეიარაღება და წვრთნა“,-განაცხადა ჯონ ქერიმ.
ამასთან, სერგეი ლავროვმა დასძინა, რომ  რუსეთსა და ამერიკის  შეერთებულ შტატებს შორის არსებობს უკრაინაში კონფლიქტის წარმოშობის განსხვავებული ხედვა.
„ჩვენ შევთანხმდით, რომ დაპირისპირება მშვიდობიანი გზით უნდა მოგვარდეს“,-განაცხადა სერგეი ლავროვმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა