თავდაცვის ინსტიტუციური აღმშენებლობის სკოლაში (DIB) ტრენინგების საჭიროებების შესახებ თავდაცვისა და უსაფრთხოების სფეროს წარმომადგენლების შეხვედრა გაიმართა.

სტრატეგიული დონის შეხვედრას საქართველოს თავდაცვის მინისტრის მოადგილე ნუკრი გელაშვილი, საგარეო საქმეთა მინისტრის მოადგილე დავით დონდუა და თავდაცვისა და უსაფრთხოების სფეროს წარმომადგენლები დაესწრნენ.

სკოლის დირექტორმა თეა ნიკოლაშვილმა სტუმრებს უწყების მიერ 2017 წლის განმავლობაში განხორციელებული საქმიანობის ანგარიში წარუდგინა.

სტრატეგიული დონის შეხვედრაზე უწყებების წარმომადგენლებმა ტრენინგების საჭიროებები განიხილეს და პროცესის ეფექტიანად წარმართვისთვის კოორდინაციის მნიშვნელობაზე იმსჯელეს. საუბარი 2018 წლის განმავლობაში სკოლის მიერ ჩასატარებელ ღონისძიებებსაც შეეხო. თავდაცვისა და უსაფრთხოების სფეროს წარმომადგენლებმა თავდაცვის ინსტიტუციური აღმშენებლობის სკოლის საქმიანობა დადებითად შეაფასეს და აღინიშნეს, რომ უწყება პასუხობს დასახულ ამოცანებს - თავდაცვის სამინისტროს ინსტიტუციური გაძლიერება, თავდაცვის სამინისტროსა და უსაფრთხოების სექტორის წარმომადგენლებისთვის პროფესიული განვითარების პროგრამების ორგანიზება.

(NS)

ავტორი: ,

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა