|
2017-12-20 16:49:44, 1992 ნახვა
ეკონომიკა
მსოფლიო ბანკის მხარდაჭერით, საქართველოს ლოგისტიკის ეროვნული სტრატეგია მუშავდება
„ტრანსპორტის სფეროდან დამატებითი ღირებულების შესაქმნელად, რეგიონების ერთმანეთთან დასაკავშირებლად და ქვეყნის სატრანსპორტო პოტენციალის გასაზრდელად, ჩვენთვის ძალიან მნიშვნელოვანია ლოგისტიკური ცენტრების განვითარება",-ამის შესახებ პირველმა ვიცე-პრემიერმა დიმიტრი ქუმსიშვილმა პარლამენტში სიტყვით გამოსვლისას განაცხადა. მისი თქმით, უკვე გამოცხადებულია ინტერესთა მოწვევა საქართველოში 2 ლოგისტიკური ცენტრის შექმნაზე, სადაც განხორციელდება დაახლოებით 170 მილიონი დოლარის ინვესტიცია და დასაქმდება 800 ადამიანი. მინისტრის თქმით, აღმოსავლეთ-დასავლეთის ჩქაროსნული ავტომაგისტრალის განხორციელების ხელშეწყობის პროექტის ფარგლებში, რომელიც მსოფლიო ბანკის ფინანსური მხარდაჭერით ხორციელდება, უკვე არსებობს საქართველოში ორი თანამედროვე ლოგისტიკური ცენტრის განვითარების ტექნიკურ-ეკონომიკური დასაბუთება. დოკუმენტი ცნობილმა გერმანულმა კომპანია Dornier Consulting International-მა მოამზადა. ამ კვლევის საფუძველზე გამოცხადებულია ინვესტორთა მოსაზიდად ღია ტენდერი. ტექნიკურ-ეკონომიკური დასაბუთების დოკუმენტის შესაბამისად შეირჩა 2 საუკეთესო ლოკაცია - აღმოსავლეთ საქართველოში (თბილისის ლოგისტიკური ცენტრი, კუმისში) და დასავლეთ საქართველოში, ქუთაისის აეროპორტის მიმდებარედ (ქუთაისის ლოგისტიკური ცენტრი). ასევე, მომზადდა თითოეული ლოგისტიკის ცენტრის კონცეპტუალური დიზაინი, ბიზნესმოდელი, გაკეთდა ბაზრის ანალიზი და სოციალური და გარემოზე ზემოქმედების შეფასება. აქვე აღსანიშნავია, რომ მსოფლიო ბანკის ფინანსური მხარდაჭერით დასრულების სტადიაზეა საქართველოს ლოგისტიკის ეროვნული სტრატეგიისა (2017-2026) და მისი სამოქმედო გეგმის (2017-2020) შემუშავება. დოკუმენტს ცნობილი ფრანგული საკონსულტაციო კომპანია ,,EGIS International"-ი ამზადებს. სტრატეგიასა და მის სამოქმედო გეგმაზე მუშაობა მიმდინარე წლის ბოლომდე დასრულდება. დოკუმენტის მიღება დაგეგმილია მომავალ წელს. (NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





