საქართველოს იუსტიციის მინისტრი აზიისა და ოკეანეთის ქვეყნებში რეგიონულ ფორუმში მონაწილეობს.

ინდონეზიის მთავრობის ორგანიზებულ ფორუმს, რომელშიც აზიისა და ოკეანეთის ქვეყნების ცენტრალური და ადგილობრივი ხელისუფლების პირველი პირები, ბიზნესწრეებისა და არასამთავრობო ორგანიზაციების წარმომადგენლები მონაწილეობენ, თეა წულუკიანი „ღია მმართველობის პარტნიორობის" მმართველი კომიტეტის თავმჯდომარის სტატუსით ესწრება. საქართველოს იუსტიციის მინისტრმა ფორუმის გახსნის ღონისძიებაზე მისასალმებელი სიტყვა წარმოთქვა.
 
თეა წულუკიანმა კიდევ ერთხელ განმარტა საქართველოს, როგორც „OGP"-ის პარტნიორობის თავმჯდომარე ქვეყნის, პრიორიტეტები 2018 წლის განმავლობაში. თავისი გამოსვლის ფარგლებში საქართველოს იუსტიციის მინისტრმა ყურადღება გაამახვილებს „ღია მმართველობის პარტნიორობის" მე-5 გლობალური სამიტის მნიშვნელობაზე, რომელსაც 2018 წლის ზაფხულში საქართველო უმასპინძლებს. თეა წულუკიანმა ღონისძიების მონაწილეებს მოუწოდა, აქტიური მონაწილეობა მიიღონ „OGP"-ის მომდევნო გლობალური სამიტის თემატიკის განსაზღვრაში.
 
რეგიონული ფორუმის ფარგლებში არაერთი შეხვედრაა დაგეგმილი. იუსტიციის მინისტრი მონაწილეობას მიიღებს მინისტერიალში, სადაც ის საქართველოს წარმატებულ მაგალითზე კოლეგა მინისტრების, აგრეთვე, საერთაშორისო ორგანიზაციების წინაშე ისაუბრებს და პარტნიორი ქვეყნების შეკითხვებს უპასუხებს; გამართავს შეხვედრებს ყირგიზეთის, სამხრეთ კორეის, ფილიპინებისა და ინდონეზიის მთავრობების წარმომადგენლებთან. ფორუმის ფარგლებში დაგეგმილია მემორანდუმის გაფორმება საქართველოსა და ინდონეზიას შორის. იუსტიციის სამინისტრო ინდონეზიის ადმინისტრაციული და ბიუროკრატიული რეფორმების სამინისტროს   გამოცდილებას გაუზიარებს ღია და გამჭვირვალე მმართველობის სახელმწიფო სისტემის მშენებლობის, სახელმწიფო სერვისების გამარტივების, ელექტრონული მმართველობის განვითარების კუთხით.
 
„OGP"-ის თავმჯდომარეობა საქართველომ მიმდინარე წლის ოქტომბერში საფრანგეთისაგან გადმოიბარა. ეს პირველი შემთხვევაა, როდესაც ჩვენი ქვეყანა მაღალი დონის საერთაშორისო ფორუმს ხელმძღვანელობს, რომელიც მსოფლიოს 75 ქვეყანას აერთიანებს. საქართველოში „ღია მმართველობის პარტნიორობის" პროცესს წარმართავს და კოორდინაციას უწევს იუსტიციის სამინისტრო, ის წარმოადგენს ქვეყნის სხვადასხვა უწყებას „OGP"-ის ფორმატში საერთაშორისო დონეზე.

(NS)

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს