იუსტიციის მინისტრის პირველი მოადგილე ალექსანდრე ბარამიძე ადამიანის უფლებათა მსოფლიო დღისადმი მიძღვნილ ღონისძიებაში მონაწილეობს.

იუსტიციის სამინისტროს ინფორმაციით, ბრიუსელში ევროკავშირთან საქართველოს მისიის მიერ ორგანიზებულ ღონისძიებაზე ალექსანდრე ბარამიძემ მოხსენება წაიკითხა.

უწყების ცნობით,  მან ევროკავშირის ინსტიტუტებისა და ევროკავშირის წევრი ქვეყნების წარმომადგენლებს საქართველოში მართლმსაჯულების სფეროში და ადამიანის უფლებათა დაცვის კუთხით განხორციელებული რეფორმები გააცნო.

კანონის უზენაესობა და ადამიანის უფლებების დაცვა ევროპული დემოკრატიის მშენებლობისათვის, სტამბულის კონვენციის რატიფიკაცია და თანმდევი კანონპროექტების მიღება, ანტიდისკრიმინაციული კანონი,  ადამიანის უფლებათა ევროპულ სასამართლოში საქართველოდან შეტანილი საჩივრების რაოდენობის მნიშვნელოვანი კლება,  მართლმსაჯულების რეფორმის სამი ტალღა სასამართლო სისტემის გასაუმჯობესებლად, პროკურატურის რეფორმა, გამჭვირვალე მმართველობის სისტემის ფორმირებისათვის გატარებული რეფორმები − ეს ის თემებია, რომელთა შესახებაც ალექსანდრე ბარამიძემ თავის მოხსენებაში გაამახვილა ყურადღება.

ვიზიტის ფარგლებში ალექსანდრე ბარამიძემ შეხვედრები გამართა  ევროპარლამენტის, ევროპული საგარეო ქმედებათა სამსახურისა და ევროკომისიის წარმომადგენლებთან.

მინისტრის პირველმა მოადგილემ შეხვედრებზე იმ რეფორმებზე ისაუბრა, რომლებიც ქვეყანაში  ევროკავშირთან დაახლოებისა და მართლმსაჯულების სისტემის გაძლიერებისთვის იუსტიციის სამინისტროს ხელმძღვანელობით  ხორციელდება.

(NS) 

ავტორი: ,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს