საქართველოს პრემიერ-მინისტრი გიორგი კვირიკაშვილი საზოგადოებას ბოდიშს უხდის, რომ მან მთავრობის სხდომის დაწყებამდე ისაუბრა მხოლოდ თბილისში მომხდარ ტრაგედიაზე და  წყალტუბოს რაიონში  მოზარდის მკვლელობის ფაქტს არ გამოეხმაურა.

პრემიერმა ამ თემასთან დაკავშირებით სპეციალური ბრიფინგი გამართა. გიორგი კვირიკაშვილის თქმით, სახელმწიფო ასეთ ტრაგედიებზე მთელი ქვეყნის მასშტაბით მოახდენს რეაგირებას:

„მინდა, გავაკეთო განმარტება. მთავრობის სხდომის დაწყებამდე ვისაუბრე  თბილისში მომხდარ ტრაგედიაზე, რომელსაც 2 ახალგაზრდას სიცოხლე შეეწირა.  პარალელურად არ ვახსენე  წყალტუბოს რაიონში მომხდარი ტრაგედია.მინდა, საზოგადოებას ბოდიში მოვუხადო, რომ ერთად არ ვახსენე ეს ტრაგედიები. არმინდა, ამან გამოიწვიოს უკმაყოფილება და გულისწყრომა,  რაც სამართლიანი იქნება.  სადაც არ უნდა მოხდეს ასეთი ტრაგედია, ჩვენთვის არის  დიდი ტრაგედია. სახელმწიფო ასეთ ტრაგედიაზე მთელი ქვეყნის მასშტაბით მოახდენს რეაგირებას“,-აღნიშნა გიორგი კვირიკაშვილმა.

შეგახსენებთ, პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად, ორი მოზარდი დაჭრეს. ერთ-ერთი საავადმყოფოში მიყვანამდე გზაში გარდაიცვალა, ხოლო მეორე მოზარდი ინციდენტიდან მეორე დღეს დაიღუპა.
მიმდინარე წლის 2 დეკემბერს კი, წყალტუბოს რაიონის სოფელ ოფშკვითში, ურთიერთშელაპარაკების ნიადაგზე, დანით გულმკერდის არეში 17 წლის მოზარდი დაჭრეს.
ის საავადმყოფოში მიყვანამდე გარდაიცვალა.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს