საგარე: უკრაინული მხარე კიევში ჟურნალისტების არ შეშვებას უსაფრთხოების გამკაცრებით ხსნის

2017-12-06 20:22:44, 2138 ნახვა

პოლიტიკა

კიევში, საქართველოს საელჩოსა და საკონსულოსთვის ცნობილია იმ ფაქტის შესახებ, რომ უკრაინის ტერიტორიაზე ქართველი ჟურნალისტების ნაწილი არ შეუშვეს, - ამის შესახებ "ექსპრესნიუსს" საგარეო საქმეთა სამინისტროში განუცხადეს.

როგორც უწყებაში ამბობენ, ამასთან დაკავშირებით საქართველოს საელჩოსა და საკონსულო წარმომადგენლობას, როგორც ელჩის, ასევე კონსულის დონეზე უკრაინულ მხარესთან, კერძოდ შესაბამის სამსახურებთან ჰქონდა კომუნიკაცია.

"უკრაინული მხარე მედიის წარმომადგენლებისათვის უკრაინის ტერიტორიაზე შესვლის აკრზალვას ხსნის ქვეყანაში შექმნილი უსაფრთხოების გარემომებებიდან გამომდინარე. ასევე საელჩო აქტიურ კავშირზეა თავად ქართველ ჟურნალისტებთან რათა შეუფერხებლად უზრუნველყოფილი იყოს მათი სამშობლოში დაბრუნების პროცესი", - აცხადებენ საგარეო საქმეთა სამინისტროში.

ცნობისთვის, „TV პირველის“ ჟურნალისტს ვახო სანაიასა და „რუსთავი 2“-ის ჟურნალისტ თამარ ნუცუბიძეს „ბორისპოლის“ აეროპორტში უკრაინის საზღვრის გადაკვეთაზე უარი უთხრეს. ისინი უკრაინაში მიხეილ სააკაშვილის გარშემო განვითარებული მოვლენების გასაშუქებლად მიდიოდნენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები