შეზღუდული შესაძლებლობის მქონე პირთა უფლებების დაცვის საერთაშორისო დღესთან დაკავშირებით, აჭარის ჯანმრთელობის და სოციალური დაცვის მინისტრმა ზაალ მიქელაძემ, განათლების, კულტურისა და სპორტის მინისტრმა ინგა შამილიშვილმა, ბათუმის მერის მოადგილემ ლელა სურმანიძემ, ქალაქ ბათუმის N13 საჯარო სკოლაში აუტისტური სპექტრის მქონე მოსწავლეები მოინახულეს და ტკბილეულით გაუმასპინძლდნენ.

აჭარის ჯანდაცვის სამინისტროს ინფორმაციით, 2016-17 სასწავლო წლიდან ბათუმის N13 საჯარო სკოლაში შეიქმნა სპეციალური ჯგუფი, რომელიც 10 აუტისტური სპექტრის მქონე მოსწავლით დაკომპლექტდა. სკოლაში შეზღუდული შესაძლებლობის მქონე მოსწავლეთათვის შექმნილია მათზე მორგებული, სასწავლო პროცესისათვის სათანადო პირობები და გარემო. სასწავლო პროგრამა განათლების ეროვნულ სასწავლო გეგმას ეფუძნება და ორიენტირებულია აუტისტური სპექტრის დარღვევის მქონე ბავშვების შესაძლებლობებსა და საჭიროებებზე.

“წელს, აჭარის მთავრობის დაფინანსებით, აჭარის განათლების, კულტურისა და სპორტის სამინისტრომ „სკოლების მშენებლობა რეაბილიტაციის“ პროგრამის ფარგლებში ქ. ბათუმის #13 საჯარო სკოლაში განახორციელა აუტისტური სპექტრის ჯგუფის მოსწავლეებისათვის დამატებითი სპეციალური სივრცეებისა და სველი წერტილების მოწყობა. ასევე, განხორციელდება პროგრამის ფარგლებში სკოლის ტერიტორიის კეთილმოწყობა, რისთვისაც აჭარის ბიუჯეტიდან გამოყოფილი იქნა 112 000 ლარი”, - აცხადებენ სამინისტროში.

(NS)

ავტორი: ,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას