თეა წულუკიანი: ვაშაძისთვის დღესაც არის მუზა რომაული ქალღმერთი იუსტიცია და ვერ ივიწყებს მას

2015-05-07 16:13:03, 606 ნახვა

პოლიტიკა

"მესმის, რომ ვაშაძისთვის დღესაც არის მუზა რომაული ქალღმერთი იუსტიცია და ვერ ივიწყებს მას",-ასე უპასუხა იუსტიციის მინისტრმა თეა წულუკიანმა საპარლამენტო უმცირესობის წევრის გიორგი ვაშაძის რეპლიკას, რომ მან ბრენდ პლატფორმა შეცვალა.
თეა წულუკიანის თქმით, მართლაც ბევრი ბრენდ პლატფორმა შეცვალეს და ეს იმიტომ, რომ წინა ხელისუფლებას "გუგლიდან" მოპარული ბრენდი ჰქონდა.

"მე არ შემიძლია ბატონ გიორგი ვაშაძეს, რომელიც თან მირბოდა და თან კითხვებს სვამდა, არ გავცე პასუხი.რამდენადაც გავიგე მისი კითხვა, მან ისაუბრა, რომ იუსტიციის მინისტრმა ბრენდ პლატფორმა შეცვალაო.ჩვენ ბევრი ბრენდ პლატფორმა შევცალეთ.
თუ გულისხმობდა ის ნოტარიუსების ბრენდირებას, ის შეცვლილია მთლიანად და თქვენ დღეს საქართველოს ქუჩებში უკვე ხედავთ ერთ ლოგოს ნოტარიუსთა პალატის, და ერთიან სახეს ნოტარიუსის, რომელიც მხოლოდ ბრენდ პლატფორმის შეცვლით, რა თქმა უნდა, რეფორმა ვერ ჩატარდება, მაგრამ სახე მაინც ძალიან მნიშვნელოვანია.ნოტარიატში ჩვენ ბევრ სხვა ძალიან მნიშვნელოვან რეფორმას ვატარებთ.თუ გულისხმობდა ის სსიპს, რომელსაც თავად ხელმძღვანელობდა, მესმის, რომ ვაშაძისთვის დღესაც არის რომაული ქალღმერთი იუსტიცია მუზა და ვერ ივიწყებს იუსტიციას, მის სსიპს, მისი ყოფილი სსიპის ბრენდიც შევცალე იმიტომ, რომ მათ ჰქონდათ "გუგლიდან" მოპარული ბრენდი, და უნდა შეცლილიყო, ჩემი სტილი არ არის, რომ დავგუგლო, ბრენდი მოვიპარო და გამოვაცხადო, რომ ეს არის დიდი პროგრესი. ბრენდი შეიცვალა, მე მზად ვარ მას გავუგზავნო ბრენდ პლატფორმის შესახებ ინფორმაცია",-განაცხადა თეა წულუკიანმა.

ქუთაისის პარამენტის იურიდიულ საკითხთა, ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროებისა და საპროცედურო საკითხთა და წესების კომიტეტების გაერთიანებულ სხდომაზე მინისტრთა ახალი შემადგენლობის 6 წარმომადგენელს საპარლამენტო უმცირესობის გარეშე მოუსმინეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან