|
2017-11-29 17:58:22, 1806 ნახვა
ეკონომიკა
დიმიტრი ქუმსიშვილმა ინვესტორებს მოუწოდა, მონაწილეობა მიიღონ ლოგისტიკური ცენტრების ღია გამოცხადებულ ტენდერში
ერთ-ერთი ძირითადი ამოცანა, რომელიც „თბილსისი აბრეშუმის გზის ფორუმს“ აქვს, რა თქმა უნდა, ჩვენს ქვეყანაში ინვესტიციების მოზიდვა და ახალი სამუშაო ადგილების შექმნაა, - ამის შესახებ პირველმა ვიცე პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა განაცხადა. დიმიტრი ქუმსიშვილის ინფორმაციით, ჯერ კიდევ გუშინ შეიხმა ნაჰაიანმა განაცხადა თავისი ინვესტიციების გაორმაგების განზრახულობაზე. „მას დღეს საქართველოში განხორციელებული აქვს 150-დან 200 მილიონ დოლარამდე ინვესტიციები, რაც ნიშნავს, რომ ჩვენ დამატებით კიდევ 150-დან 200 მილიონამდე დოლარის ინვესტიცია გვექნება მხოლოდ აღნიშნული ჯგუფიდან“, -აღნიშნა ქუმსიშვილმა. როგორც პირველმა ვიცე პრემიერმა აღნიშნა, დღეს აბრეშუმის გზის ფორუმზე საინტერესო დისკუსია გაიმართა ინვესტიციებთან დაკავშირებით, ქვეყნის მიმზიდველობის მიმართულებით. „500-მდე კერძო სექტორის წარმომადგენელი იქნა წარმოდგენილი და მინდა აღვნიშნო, რომ დღეს ჩვენი ქვეყანა ძალიან მიმზიდველია დაწყებული მაღალი ტექნოლოგიებით, ისეთი როგორცაა ბლოკჩეინი, დასრულებული ჩვენი ტრადიციული მიმართულებით, როგორიცაა მაგალითად, ტურიზმის მიმართულება“, - აღნიშნა მინისტრმა. დიმიტრი ქუმსიშვილის ინფორმაციით, მან დღეს ინვესტორებს მოუწოდა, მონაწილეობა მიიღონ ლოგისტიკური ცენტრების ღია გამოცხადებულ ტენდერში, რომლის ჯამური საინვესტიციო მოცულობა 170 მილიონ დოლარამდეა - 2 ლოგისტიკური ცენტრი უნდა აშენდეს, ერთი ქუთაისის და კიდევ ერთი თბილისის მახლობლად. „მინდა აღვნიშნო, რომ სახელმწიფო მზადაა, ინვესტორს გადასცეს თბილისის მახლობლად 80 ჰექტრამდე, ხოლო ქუთაისის მახლობლად 60 ჰექტრამდე ტერიტორია და ამასთან, საპარტნიორო ფონდი მიიღებს მონაწილეობას აღნიშნულ პროექტში. ძალიან მნიშვნელოვანია ის პროექტები, რომლითაც ჩვენ მხარს ვუჭერთ ინვესტიციების მოზიდვას ჩვენს ქვეყანაში, მათ შორის, ეს არის ბიზნესგარემო, საგადასახადო გარემო და ასევე ყველა ის პროექტი, როგორიცაა „აწარმოე საქართველოში“ და მასთან ასოცირებული პროექტები“, - განაცხადა მინისტრმა. (NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





