|
2017-11-28 21:31:30, 2086 ნახვა
ეკონომიკა
ლევან ახვლედიანმა აბრეშუმის გზის ფორუმის სტუმრებს ანაკლიის ღრმაწყლოვანი პორტის შესაძლებლობები გააცნო
ანაკლიის, როგორც საგზაო, სარკინიგზო და საზღვაო ტრანსპორტის ახალ ლოგისტიკურ საწარმოო და მომსახურების ცენტრზე საუბარი იყო თბილისის აბრეშუმის გზის ფორუმის თემატური პანელის - „შესაძლებლობების ახალი კარიბჭე" ფარგლებში. ეკონომიკის სამინისტროს ინფორმაციით, პანელის მონაწილეებს ანაკლიის ღრმაწყლოვანი პორტის შესაძლებლობები ანაკლიის განვითარების კონსორციუმის დირექტორმა ლევან ახვლედიანმა გააცნო. თავის გამოსვლაში ანაკლიის განვითარების კონსორციუმის დირექტორმა ანაკლიის პორტის განვითარების პერსპექტივებზე და პოტენციალზე ისაუბრა. ახვლედიანის განცხადებით, ანაკლიის ღრმაწყლოვანი პორტი, რომლის მშენებლობა მიმდინარე წლის დეკემბრიდან, ხოლო ოპერირების დაწყება 2020 წლიდან იგეგმება, სხვადასხვა ადგილებიდან ტვირთების გადაზიდვის გამარტივების, დროის შემცირების, საიმედოობის და სანდოობის გარანტიას შექმნის. „ანაკლია შერჩეული იყო როგორც ყველაზე საინტერესო და მნიშვნელოვანი ადგილი ღრმაწყლოვანი პორტის მშენებლობისთვის, ამისათვის საქართველოს მთავრობის მიერ გამოყოფილ იქნა 340 ჰექტარზე მეტი ტერიტორია, პორტს ექნება 100 მილიონ ტონაზე მეტი პოტენციალი. პორტის სიღრმე საშუალებას მოგვცემს, გვქონდეს დიდი მოცულობის ბრუნვა", - განაცხადა ლევან ახვლედიანმა. ანაკლიის განვითარების კონსორციუმის დირექტორის ინფორმაციით, ეკონომიკური ზონის ფარგლებში კონსორციუმი გეგმავს ქალაქის გაშენებას 2000 ჰექტარზე. „ეს იქნება პრაქტიკულად ახალი ქალაქი, განსაკუთრებული ეკონომიკური ზონა, მწვანე ქალაქი, რომლის ინფრასტრუქტურა კიდევ უფრო წინ წაწევს საქართველოს ვაჭრობისა და სატვირთო გადაზიდვის სფეროში და გაზრდის ქვეყნის როლს აბრეშუმის გზის ინიციატივის ფარგლებში", - აღნიშნა ლევან ახვლედიანმა. (NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





