პროექტი „ქალები, მშვიდობა და უსაფრთხოება საქართველოს შეიარაღებულ ძალებში ორგანიზაციული კლიმატის შეფასება“ დაიწყო.

 თავდაცვის სამინისტროში პროექტის თანახელმძღვანელებსა და მხარდამჭერებს მინისტრის პირველმა მოადგილემ, ლელა ჩიქოვანმა უმასპინძლა.

თავდაცვის სამინისტროს ინფორმაციით, მან პროექტის მნიშვნელობაზე ისაუბრა და პარტნიორებს მხარდაჭერისთვის მადლობა გადაუხადა.

მინისტრის მოადგილემ პროგრამის მნიშვნელობაზე გაამახვილა ყურადღება ასევე, საქართველოში დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩმა, ჯასტინ მაკენზი სმიტმა.

პროექტი სამწლიანია და ნატოს „მეცნიერება მშვიდობისა და უსაფრთხოების პროგრამის“ დაფინანსებით ხორციელდება. მას შეიარაღებულ ძალებზე დემოკრატიული კონტროლის ჟენევის ცენტრის, ესპანეთის შეიარაღებული ძალების, გაერთიანებული სამეფოს შეიარაღებული ძალების, პრემიერ მინისტრის აპარატის, გაეროს ქალთა ორგანიზაციისა და საქართველოს თავდაცვის სამინისტროს წარმომადგენლები ხელმძღვანელობენ.

აღსანიშნავია, რომ პროექტი მიზნად ისახავს საქართველოს თავდაცვის სამინისტროში ორგანიზაციული კლიმატის კვლევების ჩატარებისთვის ინსტიტუციური შესაძლებლობების განვითარებას.

 საწყის ეტაპზე ყურადღება გენდერული კვლევების ჩატარებაზე გამახვილდება, მოგვიანებით, გათვალისწინებულია თავდაცვის სამინისტროს თანამშრომლების შესაძლებლობების განვითარება ეთიკის, კეთილსინდისიერების, მოტივაციისა და სხვა საკითხებთან დაკავშირებით კვლევების წარმოების კუთხით.

პროექტის განხორციელების პროცესში ნატო-დან, შეიარაღებულ ძალებზე დემოკრატიული კონტროლის ჟენევის ცენტრიდან, აშშ-დან, დიდი ბრიტანეთიდან, ნორვეგიიდან, ირლანდიიდან, ესპანეთიდან, კანადიდან და ავსტრალიიდან ექსპერტები ჩაერთვებიან.

პროექტის შედეგებს სხვა სახელმწიფო უწყებებსაც გაუზიარებენ.
თავდაცვის სამინისტროში გამართულ შეხვედრას თავდაცვის უწყების შესაბამისი სტრუქტურული ერთეულების წარმომადგენლები დაესწრნენ.

(NS) 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა