შუახევის მუნიციპალიტეტის მერი ფრიდონ ფუტკარაძე ,,აბილიტაციის და რეაბილიტაციის ცენტრის” გამგეობის თავმჯდომარეს მირანდა ჩარკვიანს, დირექტორს ინგა ზარანდიას და კოალიციის ხელმძღვანელს რუსუდან ბოჭორიშვილს შეხვდა. შეხვედრას მუნიციაპლიტეტის მერის მოადგილე რუსუდან შავაძეც ესწრებოდა.

საქმიან შეხვედრაზე ,,აბილიტაციის და რეაბილიტაციის ცენტრის“ წარმომადგენლებმა ბავშვთა ადრეული განვითარების პროგრამაზე ისაუბრეს, რომელიც ემსახურება 0-7 წლამდე ასაკის განვითარების შეფერხების მქონე ბავშვების შეფასებას, მათი შემეცნებითი, სოციალურ-ემოციური, მეტყველებითი, კომუნიკაციური, მოტორული, თვითმოვლის უნარების განვითარებას, სოციალური ინტეგრაციის ხელშეწყობას.

პროგრამა გულისხმობს მშობლებისთვის უნარ-ჩვევების სწავლებას ბავშვის განვითარების ხელშეწყობის მიზნით. ბავშვისა და მშობლების საჭიროებიდან გამომდინარე მუშაობის პროცესში ჩართულია სხვადასხვა სპეციალისტი: ფსიქოლოგი, მეტყველების თერაპევტი, ოკუპაციური თერაპევტი. ბავშვთან მუშაობა მიმდინარეობს ინდივიდუალური გეგმით, რომელშიც აქტიურად იღებენ მონაწილეობას მშობლები და ოჯახის სხვა წევრები.

მომსახურება სახელმწიფო პროგრამის ფარგლებში გულისხმობს თვეში 8 ვიზიტს. მომსახურების მიწოდება ხდება სახლში, თუმცა საჭიროების შემთხვევაში შესაძლებელია ბავშვს მომსახურება გაეწიოს საბავშვო ბაღში, სამედიცინო დაწესებულებაში ან ორგანიზაციაში.

მუნიციპალიტეტის მერმა ფრიდონ ფუტკარაძემ ,,ადრეული განვითარების პროგრამის“ წარმომადგენლებს პროგრამის განხორციელებაში მუნიციპალიტეტის ჩართულობა, მხარდაჭერა და აქტური თანამშრომლბა აღუთქვა.

(NS)

ავტორი: ,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას