ბრიუსელში „აღმოსავლეთ პარტნიორობის“ სამიტი გაიხსნა

2017-11-24 13:56:47, 2195 ნახვა

პოლიტიკა

ბრიუსელში "აღმოსავლეთ პარტნიორობის" სამიტი გაიხსნა, - ამის შესახებ ინფორმაცია ევროკავშირის ოფიციალურ ვებგვერდზეა გამოქვეყნებული.

სამიტს ევროკავშირის წევრი ქვეყნების და „აღმოსავლეთ პარტნიორობის“ პროგრამის მონაწილე ქვეყნების ლიდერები და წარმომადგენლები ესწრებიან.

აღსანიშნავია, რომ "აღმოსავლეთ პარტნიორობის" სამიტზე სიტყვით საქართველოს პრემიერ-მინისტრი გიორგი კვირიკაშვილი გამოვა.

მონაწილეები, 2015 წელს რიგაში ბოლო სამიტის შემდეგ, მიღწეულ შედეგებსა და წარმატებებს განიხილავენ.

სამიტის ფარგლებში ასევე სამომავლო თანამშრომლობის განვითარებასთან დაკავშირებულ საკითხებზე იმსჯელებენ. საუბარი შეეხება ძლიერ ეკონომიკას, ძლიერ მმართველობას, ტრანსპორტს და ენერგეტიკას, ასევე მოქალაქეებს შორის კავშირების განმტკიცებას. აღნიშნული მიზნები „აღმოსავლეთ პარტნიორობის“ ფარგლებში გაწერილ იმ 20 საკითხს შორისაა, რომელიც 2020 წლამდე პერიოდზეა გათვლილი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები