კორპუსში, სადაც სპეცოპერაცია მიმდინარეობს, აფეთქებების შედეგად ხანძარი გაჩნდა

2017-11-22 16:54:54, 1881 ნახვა

საზოგადოება

ბერი ანდრია სალოსის გამზირზე, ერთ-ერთ კორპუსში, სადაც სპეცოპერაცია მიმდინარეობს, სროლისა და აფეთქებების შედეგად ხანძარი გაჩნდა.

როგორც „ექსპრესნიუსს“ საგანგებო სიტუაციების სამსახურში განუცხადეს, ადგილზე მეხანძრე-მაშველები იმყოფებიან და ცეცხლის ქრობის სამუშაოები მიმდინარეობს.

ბერი ანდრია სალოსის ქუჩაზე სპეცოპერაცია უკვე 20 საათზე მეტია მიმდინარეობს.

დანაშაულებრივი ჯგუფის წევრებმა სამართალდამცველების მიმართულებით ცეცხლი ავტომატური ცეცხლსასროლი იარაღიდან გახსნეს და ხელყუმბარები ისროლეს.

სპეცოპერაციის დროს დაიჭრა ერთი სპეცრაზმელი, რომლის მგომარეობაც კრიტიკულია. ასევე ვრცელდება ინფორმაცია, რომ ცოტა ხნის წინ კიდევ რამდენიმე პირი დაიჭრა, თუმცა ეს ინფორმაცია ამ დროისთვის დადასტურებული არ არის.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები