სასჯელაღსრულებისა და პრობაციის სამინისტრო №5 პენიტენციურ  დაწესებულებაში მუსიკალური თერაპიის კურსის დახურვა და ალბომის პრეზენტაცია გაიმართა.

სასჯელაღსრულების სამინისტროს ინფორმაციით,  ღონისძიებას  მომღერალი ნინო ქათამაძე,  ეროვნული სიმფონიური ორკესტრის სამხატვრო ხელმძღვანელი ნიკოლოზ რაჭველი და  ეროვნული სიმფონიური ორკესტრის დირექტორი ნინო ნახუცრიშვილი დაესწრნენ.

უწყების ცნობით, მუსიკაური თერაპიის პროექტი „ინიციატივა მოწყვლადი ჯგუფების რეაბილიტაციისათვის“ და „ქალთა ფონდმა საქართველომ“ განახორციელეს. 

დაწესებულებაში მყოფი ქალბატონებისთვის  ნინო ქათამაძემ და ნიკოლოზ რაჭველმა მუსიკალური ნომრები შეასრულეს. მსჯავრდებულებულებმა კი,   მუსიკალურ ალბომში შესული რამდენიმე  სიმღერა წარადგინეს.

მომღერალ ნინო ქათამაძის განცხადებით, დღეისათვის, წინა წლებთან შედარებით, სასჯელაღსრულების სისტემა გაცილებით  ჰუმანურია.

სტუმრებმა მსჯავრდებული  ქალბატონების ნამუშევრებიც დაათვალიერეს.

„მოხარული ვარ, რომ ჩვენი შეხვედრა შედგა.  ვიმედოვნებ, ეს ურთიერთობა გაგრძელდება და შემოქმედების გაცვლის სახე ექნება.  საღამოზე დიდი სიყვარული სუფევდა და მადლობა ქალბატონებს, განსაკუთრებით მომღერლებს, რომელთაც მოკლე დროში ასეთ შედეგს მიაღწიეს,“ - განაცხადა ნიკოლოზ რაჭველმა.

ორგანიზაცია „ინიციატივა მოწყვლადი ჯგუფების რეაბილიტაციისათვის“ წარმომადგენელმა მარიკა ნათაძემ აღნიშნა, რომ მუსიკალური თერაპია ხელს უწყობს  მსჯავრდებულთა ფსიქოლოგიურ გაჯანსაღებას. 

მისი თქმით,  მუსიკის მეშვეობით, ქალბატონებს შესაძლებლობა აქვთ დადებითი ემოციები მიიღონ.

სასჯელაღსრულებისა და პრობაციის სამინისტრო მსჯავრდებულთა რეაბილიტაცია-რესოციალიზაციის მიზნით,  მსგავსი პროექტების მხარდაჭერას კვლავ განაგრძობს. 

(NS) 

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს