საქართველოს ეროვნულმა არქივმა გამოსცა ნიკო ბაგრატიონის, იმავე ნიკო ბურის დღიური, რომელიც წმინდა ელენეს კუნძულზე გადასახლებისას დაწერა.

დღიური საქართველოს ეროვნული არქივის გამოცემათა ციკლის - „მოგონებები, დღიურები, ჩანაწერები" - პირველი ტომია.  

დღიურში ავტორი თავის ყოველდღიურ ცხოვრებასა და განცდებს აღწერს. 1899 წელს აფრიკაში ლომებზე სანადიროდ წასული ნიკო ბაგრატიონის მოგზაურობას დაემთხვა ინგლისის მიერ სამხრეთ აფრიკის (ბურების) რესპუბლიკის წინააღმდეგ საომარი მოქმედებები.

ნიკო ბური დღიურში წერს: „გამახსენდა საყვარელი საქართველო! მთელი ჩემი არსება მოიცვა ბურებისადმი თანაგრძნობამ და უყოყმანოდ გულში ღრმად ამოვიჭერი - დავხმარებოდი თავისუფლების მოყვარულ პატარა ხალხს, რომელსაც ინგლისი მოსპობას უპირებდა". ის ჩაერთო ომში და ბურების მხარეს იბრძოდა პოლკოვნიკის რანგში.  ომის დასასრულს ტყვედ ჩავარდა და წმინდა ელენეს კუნძულზე გადაასახლეს, სადაც მემუარებისა და მცირე დღიურის წერას შეუდგა.

ომის შემდეგ ნიკო ბური საქართველოში დაბრუნდა, მონაწილეობდა პირველ მსოფლიო ომში. საქართველოს გასაბჭოების შემდეგ დარჩა თბილისში და ოპოზიციაში ჩაუდგა ადგილობრივ ბოლშევიკებს.  გადმოცემით, ის ცხოვრების ბოლო წლებში თბილისის ბაზარში სიგარეტით ვაჭრობდა.

ნიკო ბურის დღიურის ორიგინალი შედგენილია რუსულ ენაზე და დაცულია საქართველოს ეროვნული არქივის საისტორიო ცენტრალურ არქივში, ნიკო ბურის პირად საარქივო ფონდში. დღიური თარგმნა და გამოსაცემად მოამზადა ეროვნული არქივის თანამშრომელმა თამარ გაბუნიამ.

(NS)

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს