საკრებულომ თბილისის მერის მოადგილეების, რაიონების გამგებლობისა და საქალაქო სამსახურების ხელმძღვანელების კანდიდატურებს მხარი დაუჭირა.

საკრებულომ ვიცე-მერის პოსტზე დაამტკიცა ირაკლი ხმალაძე, ასევე მოადგილეები მაია ბითაძე, გიგა ნიკოლეიშვილი და ირაკლი ბენდელიანი. კალაძის მეხუთე მოადგილე ილია ელოშვილი იქნება, თუმცა მისი წარდგენა მოგვიანებით მოხდება, რადგან ამ დროისთვის ელოშვილი ენერგეტიკის მინისტრის მოვალეობას ასრულებს. მას შემდეგ კი, რაც ენერგეტიკის სამინისტრო ეკონომიკის სამინისტროსთან გაერთიანდება, ელოშვილი მუშაობას მერიაში გააგრძელებს.

რაც შეეხება რაიონების გამგებლებს, საბურთალოს რაიონის გემგებელი  გაიოზ ვასაძე გახდა, ვაკის რაიონის - ნოდარ ტურძელაძე, ჩუღურეთის რაიონის - ზურაბ ჩიკვილაძე, დიდუბის რაიონის - ირმა ზავრადაშვილი, ნაძალადევის - ირაკლი ხელაძე, გლდანის - ბექა მიქაუტაძე, კრწანისის - ლევან ჯაფარიძე, მთაწმინდის - დავით კირკიტაძე, ისნის - კახა ლაბუჩიძე, სამგორის რაიონი გამგებელი კი, დავით კერესელიძე გახდა.

ამასთან, თბილისის მერიის ადმინისტრაციის ხელმძღვანელი ვლადიმერ ჭიღლაძეა გახდა; იურიდიულ საქალაქო სამსახურის - სერგო ბირკაძე; საფინანსო საქალაქო სამსახურის - გაიოზ თალაკვაძე; ზედამხედველობის საქალაქო სამსახურის - გიორგი ბაგრატიონი; ჯანდაცვისა და სოციალური მომსახურების საქალაქო სამსახურის - გელა ჩივიაშვილი; კულტურის საქალაქო სამსახურის - სოფიო ხუნწარია; განათლების, სპორტისა და ახალგაზრდულ საქმეთა საქალაქო სამსახურის - ირაკლი გვილავა; ტრანსპორტის საქალაქო სამსახურის - მამუკა მუმლაძე; ეკოლოგიისა და გამწვანების საქალაქო სამსახურის - გიგა გიგაშვილი; შესყიდვების საქალაქო სამსახურის - გიორგი პაპავა; კეთილმოწყობის საქალაქო სამსახურის - გივი კუბლაშვილი; უსაფრთხოების საქალაქო სამსახურის - ნიკოლოზ ჭონქაძე; ეკონომიკური განვითარების საქალაქო სამსახურის - ანდრია ბასილაია.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს