პირველმა ვიცე პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა   და ბელარუსის პრემიერ-მინისტრის მოადგილემ მიხაილ რუსიმ დღეს საქართველო-ბელარუსის ორმხრივი სავაჭრო-ეკონომიკური ურთიერთობები განიხილეს.

შეხვედრა მთავრობის ადმინისტრაციაში გაიმართა და მასში  მონაწილეობა  სოფლის მეურნეობის მინისტრმა ლევან დავითაშვილმა, ეკონომიკისა და მდგრადი განვითარების მინისტრის მოადგილემ გენადი არველაძემ და სხვა ოფიციალურმა პირებმა მიიღეს.

 შეხვედრაზე   დიმიტრი ქუმსიშვილმა ბელარუსელ კოლეგას  დეტალური ინფორმაცია მიაწოდა  საქართველოს ეკონომიკური მდგომარეობის, მთავრობის 4-პუნქტიანი გეგმისა და მის ფარგლებში მიმდინარე რეფორმების შესახებ.

დიმიტრი ქუმსიშვილმა, რომელიც ამავე დროს არის საქართველო-ბელარუსის მთავრობათაშორისი ეკონომიკური თანამშრომლობის კომისიის თანათავმჯდომარე, ბელარუსელ კოლეგასთან განიხილა ორ ქვეყანას შორის სავაჭრო-ეკონომიკური თანამშრომლობის ძირითადი მიმართულებები, მათ შორის, ორმხრივი ვაჭრობის, ტურიზმის, ტრანსპორტისა და სოფლის მეურნეობის მიმართულებით.

 შეხვედრაზე  ასევე დადებითად შეფასდა საქართველოსა და ბელარუსის პრემიერ-მინისტრების გადაწყვეტილებით ჩამოყალიბებული სავაჭრო-ეკონომიკური ჯგუფის მუშაობა, რომელიც პოზიტიურ ეკონომიკურ მაჩვენებლებში უკვე აისახა.

აღინიშნა, რომ 2017 წლის პირველ 9 თვეში სავაჭრო ბრუნვა ქვეყნებს შორის 24 პროცენტით, ექსპორტი კი - 50 პროცენტით გაიზარდა.

რაც შეეხება ტურიზმის მაჩვენებლებს, 2017 წლის პირველ 10 თვეში, საქართველოში, წინა წლის ანალოგიურ პერიოდთან შედარებით, 28 პროცენტით მეტი ტურისტი ჩამოვიდა.

 შეხვედრაზე ასევე  ყურადღება გამახვილდა  ერთობლივ პროექტებზე, მათ შორის, საქართველოში ბელარუსული წარმოების ლიფტების შემოტანა-დამონტაჟების, პერსპექტივაში კი მათი საქართველოში აწყობის შესახებ.

გარდა ამისა, საუბარი წარიმართა სოფლის მეურნეობის სფეროში თანამშრომლობის გაღრმავებაზე.

 სამუშაო ვიზიტის ფარგლებში, ბელარუსის პრემიერ-მინისტრის მოადგილე მიხაილ რუსი შეხვედრებს გამართავს საქართველოს ხელისუფლების სხვა ოფიციალურ წარმომადგენლებთან, აგრეთვე მონაწილეობას მიიღებს საქართველოში ბელარუსული კულტურის დღეების გახსნის საზეიმო ცერემონიალში.

(NS) 

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს