სოფლის მეურნეობის მინისტრის მოადგილე გიორგი ხანიშვილი ისრაელის სახელმწიფოს მუნიციპალიტეტის რიშონ ლეციონის მერის მოადგილეს, იოსი ჰამამის, საქართველო-ისრაელის ბიზნესპალატის პრეზიდენტს, იციკ მოშეს და ისრაელის სახელმწიფოს ბიზნესდელეგაციის  წარმომადგენლებს შეხვდა.

უწყების ინფორმაციით, შეხვედრაზე გიორგი ხანიშვილმა ორ ქვეყანას შორის არსებულ ურთიერთობებზე და სავაჭრო-ეკონომიკური მიმართულებით თანამშრომლობის შესაძლებლობებზე ისაუბრა.

მინისტრის მოადგილემ   ყურადღება სოფლის მეურნეობის დარგში  ისრაელის გამოცდილების გაზიარების მნიშვნელობაზე გაამახვილა.

გიორგი ხანიშვილმა სტუმრებს სამინისტროს მიერ განხორციელებული პროგრამები გააცნო და საექსპორტო ბაზრების დივერსიფიკაციის ნაწილში საქართველოს  ევროკავშირთან ასოცირების ხელშეკრულებისა და ჩინეთთან თავისუფალი ვაჭრობის შესახებ შეთანხმების მნიშვნელობაზე ისაუბრა.

როგორც გიორგი ხანიშვილმა განაცხადა, საქართველოსთვის საინტერესოა ისრაელის სახელმწიფოს გამოცდილება ხილის, რძის პროდუქტებისა და თევზის წარმოების მიმართულებით,  ასევე მნიშვნელოვანია ისრაელის სახელმწიფოსთან თანამშრომლობა საწარმოო და გადამამუშავებელი მრეწველობის კუთხით.

ისრაელის სახელმწიფოს მუნიციპალიტეტის რიშონ ლეციონის მერის მოადგილის, იოსი ჰამამის განცხადებით, საქართველოს დიდი პოტენციალი აქვს სოფლის მეურნეობის განვითარების,  კერძოდ, მეთევზეობის, მესაქონლეობისა და ხილის წარმოების მიმართულებით. 

რიშონ ლეციონის მერმა საქართველოსთან სამომავლო თანამშრომლობის სურვილი გამოთქვა.

(NS) 

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს