შვედეთის საგარეო საქმეთა მინისტრი მარგოტ ვალსტრომი მიიჩნევს, რომ საქართველოს კონფლიქტების გადაჭრის გასაღები ჟენევის დიალოგში დევს.

ვალსტრომის განცხადებით, შვედეთი საქართველოს ტერიტორიულ მთლიანობას მხარს მის საერთაშორისოდ აღიარებულ საზღვრებში უჭერენ.

„ამ დიალოგის გაძლიერება ქართველებს, აფხაზებსა და ოსებს შორის აუცილებებლია. ძალიან ვწუხვარ, რომ ორი წელი აქ არ ვყოფილვარ. შვედეთი საქართველოს ევროპული სულისკვეთებისა და ევროკავშირში ინტეგრაციის ძალიან ძლიერ მხარდამჭერად დარჩება. აღმოსავლეთ პარტნიორობის პროგრესირებადი წევრი საქართველო, დემოკრატიულ რეფორმებს ახორციელებს. ძალიან წარმატებული ხართ და ეს ჩვენს ანგარიშებში აღიარებულია. ასევე ჩანს თქვენი წარმატება კორუფციასთან ბრძოლის ასპექტშიც. თქვენი ინსტიტუტების გასაძლიერებლად მომავალში კიდევ მეტი მუშაობა მოგვიწევს. ევროკავშირთან ხელმოწერილი ხელშეკრულებები იმ გზის დასაწყისია, რომელმაც ევროპამდე უნდა მიგვიყვანოს. როგორც თქვენი მეგობრები და მხარდამჭერები შვედეთი და პოლონეთი საქართველოსგან დიდ წარმატებებს მოველით“, – აღნიშნა ვალსტრომიმ. 

შვედეთის პირველმა დიპლომატმა ასევე აქცენტი აღმოსავლეთ პარტნიორობის დაგეგმილ სამიტზეც გააკეთა.

„აღმოსავლეთ პარტნიორობის სამიტი 24 ნოემბერს ტარდება და ჩვენ ამ სამიტზე და მომავალ ურთიერთობებზე ვისაუბრეთ. იმედი გვაქვს, რომ აღმოსავლეთ პარტნიორობის სამიტი წარმატებული იქნება. აქ საქართველოს მხარდაჭერის დასადასტურებლად ჩამოვედით. ეს აღმოსავლეთ პარტნიორობის მთელი იდეაა. ჩვენ გავაგრძელებთ მოთხოვნას, რომ საქართველოს ევროკავშირში გაწევრიანების საკითხი ევროპის კავშირის დღის წესრიგში დარჩეს. ჩვენ ამ პროცესის მხარდამჭერად და მეგობრად ვრჩებით“, – განაცხადა მარგოტ ვალსტრომიმ.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს