2017-11-09 12:17:51, 1971 ნახვა
პოლიტიკა
თეა წულუკიანი დემოკრატიის მსოფლიო ფორუმზე გაემგზავრა
საქართველოს იუსტიციის მინისტრი თეა წულუკიანი დემოკრატიის მსოფლიო ფორუმზე სტრასბურგში გაემგზავრა.
მინისტრი ფორუმზე სიტყვით ხვალ გამოვა და ყურადღებას გაამახვილებს „ღია მმართველობის პარტნიორობის" (OGP) პლატფორმაზე საქართველოს წარმატების შესახებ.
„საქართველოს წარმატება „OGP"-ზე იმით დადასტურდა, რომ ქვეყანას აღნიშნული ორგანიზაციის თავმჯდომარეობა მიმდინარე წლის სექტემბერში გადმოებარა. ამასთან, მინისტრი ფორუმის მონაწილეებს „OGP"-ის თავმჯდომარეობის პერიოდში საქართველოს პრიორიტეტებსაც გააცნობს“, - აცხადებენ იუსტიციის სამინისტროში.
ცნობისთვის, დემოკრატიის მსოფლიო ფორუმი სტრასბურგში საფრანგეთის პრეზიდენტ ემანუელ მაკრონის მაღალი პატრონაჟით იმართება.
(NS)
![]()
ავტორი: ,
epn.ge (@expressnews.ge)
