|
2017-11-03 19:18:58, 2233 ნახვა
ეკონომიკა
დიმიტრი ქუმსიშვილმა დეპუტატებს ეფექტიანი ფისკალური პოლიტიკის ძირითადი პრინციპები გააცნო
პარლამენტში 2018 წლის ბიუჯეტის წარდგენისას, პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა 2018 – 2021 წლების ფისკალურ ჩარჩოზე ისაუბრა. მისი თქმით, სტრუქტურული რეფორმების პარალელურად, მაღალი ეკონომიკური ზრდის მისაღწევად საჭირო ფისკალური პოლიტიკა სამ ძირითად პრინციპს ეფუძნება. ესაა, მიმდინარე ხარჯები ზრდის შეზღუდვა; არსებული რესურსის მაქსიმალურად მიმართვა ინფრასტუქტურული პროექტების დასაფინანსებლად და საბიუჯეტო დეფიციტის ეტაპობრივი შემცირება. პირველი ვიცე-პრემიერის ინფორმაციით, 2018-2021 წლების საშუალოვადიან პერიოდში მიმდინარე ხარჯების წილი მშპ-თან მიმართებაში განაგრძობს კლებას და 2017 წელს განსაზღვრული 24.8%-დან 2018 წელს დაიკლებს 23.4%-მდე, ხოლო 2021 წლისათვის შემცირდება მშპ-ის 20.8%-მდე. ამის პარალელურად, დიმიტრი ქუმსიშვილის განცხადებით, საინვესტიციო პროექტების დაფინანსების მიმართულებით საქართველოს მზარდი ტენდენცია აქვს და საშუალოვადიან პერიოდში 9%-ის ფარგლებში იქნება შენარჩუნებული. „მნიშვნელოვანია, რომ აღნიშნული სახსრების მობილიზება არ ხორციელდება მხოლოდ დონორი ორგანიზაციების კრედიტების ხარჯზე და საქართველო ინარჩუნებს დადებით საოპერაციო ბალანსს. 2018 წელს ქვეყნის შემოსავლებსა და მიმდინარე ხარჯებს შორის დადებითი სალდო მშპ-ის 4.7%-ით განისაზღვრება (2016 წელს ეს მაჩვენებელი 2.6% იყო, ხოლო 2017 წელს 3.9%). საშუალოვადიან პერიოდში დადებითი საოპერაციო სალდოს მაჩვენებელი მზარდია და 2021 წლისათვის მშპ-ის 6%-ს გადააჭარბებს”, - განაცხადა ქუმსიშვილმა.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





