მარცვლეული კულტურების სერტიფიცირების პროცედურების ფრანგული გამოცდილების გაზიარების მიზნით, საფრანგეთის სოფლის მეურნეობის სამინისტროს და თესლისა და სარგავი მასალის ეროვნული ინტერპროფესიონალური ჯგუფის (GNIS) მიწვევით, სოფლის მეურნეობის სამინისტროს სამეცნიერო-კვლევითი ცენტრის დირექტორის მოადგილე ნოდარ ხატიაშვილი და სტანდარტებისა და სერტიფიცირების სამსახურის თანამშრომლები ქალაქ პარიზში იმყოფებოდნენ.

სოფლის მეურნეობის სამინისტროს ინფორმაციით, ვიზიტის ფარგლებში გამართულ შეხვედრებზე, ფრანგულმა მხარემ საქართველოს წარმომადგენლებს საფრანგეთში არსებული სერტიფიცირების სისტემა, ნაციონალური კატალოგი და კატალოგში ჯიშთა შეტანის წესის მარეგულირებელი დოკუმენტები გააცნო. შეხვედრებზე განიხილეს საქართველოში არსებული სერტიფიცირების სისტემაც.

აღსანიშნავია, რომ თესლისა და სარგავი მასალის ეროვნული ინტერპროფესიონალური ჯგუფის (GNIS) წარმომადგენლებთან შეხვედრაზე, ფრანგი და ქართველი სპეციალისტები თანამშრომლობის სამომავლო გეგმებსა და ერთობლივი პროექტის განხორციელებაზე შეთანხმდნენ.

ვიზიტის ფარგლებში გადაწყდა, რომ უახლოეს მომავალში საქართველოში ფრანგი ექსპერტები ჩამოვლენ, რომლებიც სოფლის მეურნეობის სამინისტროს სამეცნიერო-კვლევითი ცენტრის სპეციალისტებთან ერთად იმ კანონქვემდებარე აქტების მომზადებასა და პროექტების შექმნაში ჩაერთვებიან, რომლებიც სასოფლო-სამეურნეო კულტურათა ჯიშების სერტიფიცირების პროცედურებს გააუმჯობესებს.

(NS)

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს