|
2017-10-30 16:28:19, 1623 ნახვა
ეკონომიკა
ნინო ჯავახაძე: ამერიკასთან ეკონომიკური ურთიერთობების გაღრმავება ჩვენი ერთ-ერთი პრიორიტეტია
ეკონომიკისა და მდგრადი განვითარების მინისტრის მოადგილე ნინო ჯავახაძე საქართველოში აშშ-ის სავაჭრო პალატის პრეზიდნტის, მაიკლ ქაუგილის საავტორო პუბლიკაციას გამოეხმაურა. ეკონომიკის სამინისტროს ინფორმაციით, პუბლიკაცია ამერიკულ გამოცემა Thi Hill-ში გამოქვეყნდა. მისი განცხადებით, ძალიან მნიშვნელოვანია, რომ საქართველოს ეკონომიკური რეფორმებისა და ბიზნესგარემოს შეფასება ხდება არამხოლოდ მთავრობის, არამედ დამოუკიდებელი მხარის მიერ და ეს განსაკუთრებით მისასალმებელია. „გამოქვეყნებულ სტატიაში მაიკლ ქაუგილი დადებითად აფასებს საქართველოში განხორციელებულ და მიმდინარე ეკონომიკურ რეფორმებს, ასევე ზოგადად ქვეყნის ეკონომიკური განვითარების ტენდენციებს. განსაკუთრებით მისასალმებელია, როდესაც ესეთი შეფასება ხორციელდება არამხოლოდ მთავრობის, არამედ დამოუკიდებელი მხარის მიერ. ნამდვილად დადებითია ეკონომიკური ტენდენციები, რომელიც საქართველოში მიმდინარეობს, ამას ადასტურებს დღეს გამოქვეყნებული მონაცემებიც, რომლის მიხედვით, 2017 წლის 9 თვის წინასწარი მონაცემებით საშუალო ეკონომიკური ზრდა 4.7%-ია, ხოლო მხოლოდ სექტემბრის მაჩვენებლებით გვაქვს 5%-იანი ეკონომიკური ზრდა“ - განაცხადა ნინო ჯავახაძემ. მისივე შეფასებით, ამერიკა საქართველოს სტრატეგიული სავაჭრო პარტნიორია, შესაბამისად, ამერიკასთან სავაჭრო და ეკონომიკური ურთიერთობების გაღრმავების ფარგლებში საქართველოს მთავრობა მუდმივ რეჟიმში, თანმიმდევრულად მუშაობს. შეგახსენებთ, რომ ამერიკულ გამოცემა Thi Hill-ში გამოქვეყნებულ საავტორო პუბლიკაციაში (http://thehill.com/opinion/finance/357609-the-new-silk-road-the-us-needs-a-free-trade-deal-with-georgia) ქართულ-ამერიკული უნივერსიტეტის ხელმძღვანელი და საქართველოში აშშ-ის სავაჭრო პალატის პრეზიდენტი მაიკლ ქაუგილი აღნიშნავს, რომ საქართველო რეგიონში სამაგალითოდ წარმატებული სახელმწიფოა, სადაც აშშ-ის ინტერესები დიდი და მზარდია. ამერიკელი ბიზნესმენი საქართველოს მოიხსენიებს, როგორც რეგიონში წარმატების მაგალითს, ამ წარმატების საფუძვლად და მამოძრავებელ ძალად კი გონივრულ პოლიტიკას, ექსპორტს, ტურიზმს, ინვესტიციებსა და თავდაუზოგავ მონდომებას ასახელებს. რაც მისივე თქმით, მიზნად ისახავს ქვეყნის რეგიონის სავაჭრო-ეკონომიკურ ცენტრად ჩამოყალიბებას. მაიკლ ქაუგილი განსაკუთრებულ ყურადღებას უთმობს საქართველოს მთავრობის 4-პუნქტიან გეგმას და აღნიშნავს, რომ საგადასახადო კანონმდებლობის მოდიფიცირება და რეფორმების ფარგლებში განხორციელებული ცვლილებები ბიზნესსექტორის უდიდეს ნაწილზე დადებითად აისახება, ემსახურება ეფექტურობაზე ორიენტირებულ მმართველობითი სისტემის გამართვას, აჩქარებს კრიტიკული მნიშვნელობის მქონე ინფრასტრუქტურული პროექტების დასრულების ტემპს და ინვესტირების მთავარ სამიზნედ განათლებასა და ყველაზე მოთხოვნადი პროფესიების ათვისებას აქცევს. სტატიაში ასევე ნათქვამია, რომ ამ ურთიერთობების გაღრმავებისთვის შემდეგი ნაბიჯი იქნება ორ ქვეყანას შორის თავისუფალი ვაჭრობა, რაც გაამყარებდა საქართველოს უსაფრთხოებას და კეთილდღეობას, ხოლო ამერიკულ კომპანიებს ევროპაში, ახლო აღმოსავლეთსა და ევროკავშირში მიმავალ ახალ, დინამიურ გზას გაუხსნიდა. (NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





