ევროკავშირის მიერ ჩატარებული საზოგადოებრივი აზრის კვლევის თანახმად, საქართველოში გამოკითხული მოსახლეობის 59% ევროკავშირის მიმართ დადებითად არის განწყობილი.

ამავე კვლევის მიხედვით, გამოკითხულთა 34% ევროგაერთიანების მიმართ ნეიტრალურად არის განწყობილი, 3% უარყოფითად, ხოლო გამოკითხული მოსახლეობის 4%-ს ევროკავშირის შესახებ ინფორმაცია არ გააჩნია.

ამასთან, ევროკავშირის შესახებ წარმოდგენა ზოგადად დადებითია და ის მიმდინარე წელს, გასულ წელთან შედარებით გაუმჯობესებულია.

კითხვაზე, - „როგორ დაახასიათებდით ურთიერთობებს ევროკავშირსა და საქართველოს შორის“, გამოკითხული მოსახლეობის 83%-მა განაცხადა, რომ დადებითად აფასებს. იგივე კითხვას 2016 წელს გამოკითხული მოსახლეობის 75%-მა გასცა დადებითი პასუხი.

ცნობისთვის, კვლევები ACT LLC-ის და მათი ქსელური პარტნიორი კომპანიების მიერ ჩატარდა. ყოველწლიური გამოკითხვა აზერბაიჯანში, ბელარუსში, მოლდოვაში, საქართველოში, სომხეთსა და უკრაინაში, 2017 წლის აპრილ-ივნისში, 6 ათასი პირისპირ ჩატარებული ინტერვიუს საშუალებით (ათასი თითოეულ ქვეყანაში) ჩატარდა.

პროექტი ევროკავშირის მიერ არის დაფინანსებული. 

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს