საგარეო საქმეთა მინისტრმა უკრაინელ ხალხს მიუსამძიმრა

2015-01-16 10:03:11, 5743 ნახვა

სხვადასხვა

საქართველოს საგარეო საქმეთა მინისტრი თამარ ბერუჩაშვილი უკრაინის საელჩოს ეწვია და იქ გახსნილ სამძიმრის წიგნში ჩანაწერი დატოვა.

მინისტრმა ჩანაწერი უკრაინულ ენაზე გააკეთა და საქართველოში უკრაინის ელჩს ვასილ ციბენკოს მიუსამძიმრა.

„ვუსამძიმრებ უკრაინის მთავრობასა და უკრაინის ხალხს დონეცკში დატრიალებული ტრაგედიის გამო. ამ ტრაგედიამ კიდევ ერთხელ ცხადყო რამდენად მნიშვნელოვანია უპირობოდ და დროულად შესრულდეს ცეცხლის შეწყვეტის შესახებ მიღებული გადაწყვეტილება. უკრაინის კრიზისის დარეგულირების წერტილს უკრაინის ტერიტორიული მთლიანობაა მის საერთაშორისოდ აღიარებულ საზღვრებში“ განაცხადა მინისტრმა

მინისტრმა დაღუპულთა ოჯახებსაც მიუსამძიმრა და დაზარალებულებს გამოჯამრთელება უსურვა
უკრაინაში დონეცკის ოლქში ქალაქ ვალნოვახში სეპარატისტების მიერ 13 იანვარს გაშვებული ჭურვი სამგზავრო ავტობუსს მოხვდა რასაც უკრაინის 12 მშვიდობიანი მოქალაქე შეეწირა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან