ლონდონში საქართველო-ბრიტანეთის უორდროპის სტრატეგიული დიალოგის მეოთხე შეხვედრა გაიხსნა. სესია მისასალმებელი სიტყვით გახსნა გაერთიანებული სამეფოს ამერიკისა და ევროპის საკითხებში სახელმწიფო მინისტრმა სერ ალან დანკანმა,  საქართველოს ვიცე-პრემიერმა, საგარეო საქმეთა მინისტრმა მიხეილჯანელიძემ და საქართველოს თავდაცვის მინისტრმა ლევან იზორიამ.

საქართველოს საგარეო საქმეთა სამინისტროს ინფორმაციით, გაერთიანებული სამეფოს სახელმწიფო მინისტრმა ხაზი გაუსვა ბრიტანეთსა და საქართველოს შორის სხვადასხვა სფეროში არსებულ წარმატებულთანამშრომლობას, რომისთვისაც კარგ პლატფორმას წარმოადგენს უორდროპის დიალოგი, დანკანის განცხადებით ბრიტანეთი დაინტერესებულია შემდგომშიც განავითაროს პარტნიორობა საქართველოსთან

„მართალია ჩვენ ვტოვებთ ევროკავშირს, მაგრამ ჩვენ არ დავივიწყებთ საქართველოს" - აღნიშნა სახელმწიფო მინისტრმა.

საქართველოს ვიცე-პრემიერის მიხეილ ჯანელიძის შეფასებით, რომელიც მან სტრატეგიული დიალოგის სესიის გახსნის საზეიმო ცერემონიის შემდგომ გააკეთა,საქართველო ბრიტანეთის გვერდით დგას ევრო-ატლანტიკური სივრცის უსაფრთხოების პროცესში, დინამიურად ვითარდება ორმხრივი ურთიერთობები,განსაკურებით სავაჭრო-ეკონომიკური მიმართულებით, რადგან გაერთიანებული სამეფო საქართველოში განხორციელებული უცხოური ინვესტიციებით წამყვანპოზიციებზე. როგორც მინისტრმა აღნიშნა საქართველო დაინტერესებულია შექმნას შესაბამისი მექანიზმები ამ თანამშრომლობის კიდევ უფრო განსავითარებლადბრექსიტის შემდგომ „ჩვენ აქტიურად ვმუშაობთ შესაბამის სამართლებრივ ჩარჩოზე, რაც საშუალებას მოგვცემს ბრექსიტის შემდგომ აქტიურად განვავითაროთორმხრივი სავაჭრო ურთიერთობები" - განაცხადა მინისტრმა.

საქართველოს თავდაცვის მინისტრმა ლევან იზორიამ ხაზი გაუსვა ორ ქვეყანას შორის თავდაცვის სფეროში წარმატებულ თანამშრომლობას, რისი ნათელიდასტურიც არის  საქართველოსა და გაერთიანებულ სამეფოს შორის თავდაცვის სფეროში 2018-2019 წწ-ის  თანამშრომლობის გეგმა, რომელსაც ხელი მოეწერებათავდაცვის მინისტრის ლონდონში მიმდინარე ვიზიტის ფარგლებში. 

უორდროპის დიალოგი საქართველოსა და ბრიტანეთს შორის თანამშრომლობის პლატფორმაა, რომელმაც გასულ წელს სტრატეგიული ფორმატი შეიძინა. მხარეებიგანიხილავენ ბრიტანეთ-საქართველოს თანამშრომლობის საკითხებს პოლიტიკის, თავდაცვისა და უსაფრთხოების, სავაჭრო-ეკონომიკური და ხალხთაშორისიურთიერთობების მიმართულებით.

ავტორი: ,

სოციალური ქსელები

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები