კახა კალაძის განცხადებით, თბილისის მერიაში საკადრო ცვლილებები განხორციელდება.

ამის შესახებ მან დღეს გამართულ ბრიფინგზე განაცხადა.

რაც შეეხება მის გუნდს, როგორც კალაძემ აღნიშნა, თუ ვინ იქნებიან მისი გუნდის წევრები და ვინ რა პოზიციას დაიკავებს მერიაში, ამის შესახებ საზოგადოებას ძალიან მალე მიაწვდის ინფორმაციას.

„ჩვენთვის ძალიან მნიშვნელოვანია კომპეტენტურობა, პროფესიონალიზმი, გამოცდილების მქონე ადამიანები. ძალიან ღია და გამჭვირვალე იქნება ეს პროცესები მთელი ოთხი წლის განმავლობაში. საკადრო ცვლილებები იქნება, იქნება ასევე რეფორმები, სტრუქტურული ცვლილებები. ძალიან ბევრი კომპეტენტური ადამიანი მუშაობს მერიაში და მაქსიმალურად შევეცდებით, ყველას პროფესიონალიზმი იქნას გამოყენებული ქალაქის საკეთილდღეოდ. კანდიდატებს რაც შეეხება, თუ ვინ იქნებიან ჩემი თანაგუნდელები, ვინ რა პოზიციას დაიკავებს გუნდში, ამაზე ძალიან მალე მოგახსენებთ დეტალურ ინფორმაციას“, - განაცხადა კახა კალაძემ.

შეგახსენებთ, ცესკო-ს პირველადი მონაცემებით, თბილისის მერის არჩევნებში კახა კალაძემ გაიმარჯვა (51,13%).

ავტორი: ,

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ