„არჩევნებზე აქამდე არსებულ პრობლემებს  ე.წ. კარუსლეის რამდენიმე ფაქტი დაემატა და ამგვარი ფაქტები კიდევ უფრო მატულობს“,-ამის შესახებ „ნაციონალური მოძრაობის“ ერთ-ერთმა ლიდერმა ზაზა ბიბილაშვილმა პარტიაში გამართულ ბრიფინგზე განაცხადა.

როგორც ბიბილაშვილმა აღნიშნა, ხელისფლება გამარჯვებისთვის ე.წ. კარუსელებს ატრიალებს.

 „წინა ბრიფინგზე მოგახსენეთ და წარმოგიდგინეთ ბიულეტენის გამოტანის და გადაცემის ფაქტი დამადასტურებელი მასალა. ეს არის პრაქტიკულად უტყუარი ნიშანი იმისა, რომ ხელისუფლება ე.წ. კარუსელებს ატრიალებს. ამგვარი ფაქტების შესახებ ინფორმაცია მატულობს. მინდა მოგახსენოთ ინფორმაცია სამი დამატებითი ფაქტის შესახებ. პირველი ფიქსირდება ბოლნისის მეოცე უბანზე. ამ უბანზე შევიდნენ პირები, რომელთაც არ ჰქონდათ მარკირება და  რამდენიმე პირმა მოახერხა ხმის მიცემა. მათ მოაწერეს ხელი სხვა პირების ნაცვლად  და შემდგომ ასევე გავიდნენ უბანზე და სავარაუდოდ, მათ მიერ დაფიქსირდება ხმის მიცემა სხვა უბნებზეც.  ამის შემდეგ როგორც კი ჩვენმა დამკვირვებელმა დაწერა საჩივარი, ეს საჩივარი პირადად კომისიის თავმჯდომარემ  დახია და არ მიიღო. კომისიის თავმჯდომარეს სახელს ვერ მოგახსენებთ, გვარი არის გასანოვი. ეს არის პიროვნება, რომელმაც საჩივარი დახია იმის ნაცვლად, რომ  ის მიეღო და განეხილა. ე.წ. კარუსელის ფაქტები  ასევე დასტურდება ვარკეთილის მესამე მიკრორაინში 59-ე უბანზე. იქაც საუბარია იმაზე, როდესაც ორმა პირმა ხმა მისცა მარკირების გარეშე, ხოლო მოგვიანებით სულ ცოტა ხანში უბანზე გამოცხადდა სამი, საბედნიეროდ ამ შემთხვევაში მოხდა დანაშაულის პრევენცია და ეს სამი პირი ჩვენ წარმომადგენლებმა არ შეუშვეს უბანზე. ანალოგიურად ვაკეში გრძელდება  პრობლემები“,-განაცხადა ბიბილაშვილმა და დასძინა, რომ საჩივრების რაოდენობა ნახევარი საათის წინ 300-ს აღემატებოდა. 

ავტორი: ,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს