სამედიცინო ცენტრ "ჯეო ჰოსპიტალის" მთავარი ექიმის ტატა შენგელაიას ინფორმაციით, სოფელ ყიზილაჯლოში, “ქართული ოცნების” წევრებზე მომხდარი თავდასხმის შედეგად დაჭრილი 4 პირიდან, ორის მდგომარეობა მძიმეა.

მთავარი ექიმის თქმით, კიდევ ორი პაციენტის ჯანმრთელობის მდგომარეობა დამაკმაყოფილებელია.

"2 პაციენტი, ვისი ჯანმრთელობის მდგომარეობაც დამაკმაყოფილებელია, კვლავ კლინიკაში რჩება, მაგრამ დღეს სავარაუდოდ გავწერთ სახლში. კიდევ ორი პაციენტის მდგომარეობა არის მძიმე. ორივეს აქვს მუცლის ღრუს შემავალი მრავლობითი დაზიანებები. ორივეს ჩაუტარდა ოპერაცია და ორივე რეანიმაციის განყოფილებაში წევს. ისინი მართვითი სუნთქვის აპარატზე არიან მიერთებული და გადიან შესაბამის მკურნალობას", - განაცხადა შენგელაიამ.

შეგახსენებთ, რომ გუშინ სოფელ ყიზილაჯლოში "ქართულ ოცნების"" შტაბის წევრებს უცნობი პირი/პირები თავს დაესხნენ, რის შედეგადაც 4 ადამიანი დაშავდა. მომხდართან დაკავშირებით გამოძიება 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

ავტორი: ,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა