კონსტიტუციონალისტების განმარტებით, თინა ხიდაშელი და გიგლა აგულაშვილი საკანონმდებლო და აღმასრულებელი ხელისუფლების შემადგენლობაში ერთდროულად ვერ იქნებიან.  

კონსტიტუციონალისტი ლევან ბოძაშვილი „ექსპრესნიუსთან“ საბარში  განმარტავს, რომ პარლამენტის წევრი, რომელიც მინისტრობის კანდიდატად დასახელდება და ის ამაზე თანხმობას განაცხადებს, მას დეპუტატის უფლებამოსილება უწყდება. 

ამასთან,როგორც  კონსტიტუციონალისტი ვახუშტი მენაბდე აცხადებს, თინა ხიდაშელი მინისტრის მოვალეობას მას შემდეგ შეასრულებს, როცა  პარლამენტი მთავრობის ახალ შემადგენლობას  ნდობას გამოუცხადებს. 

„ჩვენი კონსტიტუციის მიხედვით, პარალელურად ვერ იქნება საკანონდმებლო და აღმასრულებელი ხელისუფლების შემადგენლობაში. ის მინისტრი არ არის. მინისტრი მას შემდეგ გახდება, რაც პარლამენტი მთავრობის ახალ შემადგენლობას ნდობას გამოუცხადებს“, – აღნიშნა მენაბდემ „ექსპრესნიუსთან“ საუბარში. 

დღეს თინა ხიდაშელმა განაცხადა: „პარლამენტის წევრი ვარ და უკვე დავინიშნე მინისტრად“. 
მისივე განმარტებით, სანამ პარლამენტი მას უფლებამოსილებას არ შეუჩერებს,  ის რჩება პარლამენტის წევრად.  

„პარლამენტის წევრი ვარ მანამ, სანამ პარლამენტი არ შემიჩერებს უფლებამოსილებას და ამასობაში მეც და გიგლაც მინისტრები ვართ. იმიტომ რომ უკვე დანიშნული ვართ მინისტრებად. ასე, რომ ჯერ ქუთაისში ვართ, ერთი თუ ორი დღე, რამდენი ხანიც ვიქნები ვიპარლამენტისწევრებ და უკვე ორშაბათიდან შევუდგები სხვა მოვალეობის შესრულებას“,-განაცახადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას