ლტოლვილთა და განსახლების მინისტრის სოზარ სუბარის განცხადებით,  ომის შედეგად უგზო-უკვლოდ დაკარგული კიდევ 25 ნეშტია იდენტიფიცირებული, მათ შორისაა სოხუმის მერი გურამ გაბესკირია და ირაკლი ალასანიას მამა, მამია ალასანია.

სუბარის განმარტებით, 2010 წლიდან დღემდე, წითელი ჯვრის საერთაშორისო კომიტეტის დახმარებით, 110-მა ოჯახმა შეიტყო დაკარგული ოჯახის წევრის ადგილსამყოფელის შესახებ და ამ რიცხვს  25 ოჯახი შეემატა.

სუბარი ამბობს, რომ უგზო-უკვლოდ დაკარგულთა მოძიების და გადმოსვენების პროცესი ძალიან კარგი ტემპით მიდის:

„განსაკუთრებით მადლობა მინდა ვუთხრა საერთაშორისო წითელი ჯვრის კომიტეტს, ასევე განსაკუთრებული მადლობა მინდა ვუთხრა აფხაზურ მხარეს, რომლებიც მართლაც ყველაფერს აკეთებენ იმისთვის, რომ პროცესი პოზიტიურად და დინამიურად წარიმართოს.  წინა წლების განმავლობაში მთლიანად მოხდა 101 პირის იდენტიფიცირება და გადაცემულია მათი ნეშტები ოჯახებს. მხოლოდ წელს 28 სამარხი იქნა გახსნილი და 91 ნეშტი იქნა მოძიებული, მათ შორის 25 უკვე იდენტიფიცირებულია. ამ 25-დან არის საზოგადოებისთვის კარგად ცნობილი სახელები, არიან ადამიანები რომლებიც იცავდნენ სოხუმში უმაღლესი საბჭოს შენობას და რომლებიც იბრძოდნენ ჟიული შარტავასთან ერთად: მამია ალასანია საქართველოს უშიშროების პოლკოვნიკი, სოხუმის მერი, საქართველოს გმირი გურამ გაბესკირია, ასევე აფხაზეთის მინისტრთა საბჭოს თავმჯდომარის მოადგილე შენგელია და ვახტანგ გეგელაშვილი, მათ შორის არიან ასევე მებრძოლები და ის დამიანები რომლების სიცოცხლის ბოლო წუთამდე საქართველოს ერთიანობისთვის იბრძოდნენ“,-განაცხადა სოზარ სუბარმა.

ავტორი: ,

სოციალური ქსელები

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა