საქართველოს იუსტიციის მინისტრი თეა წულუკიანი თბილისის საკრებულოსთან გუსინ განვითარებულ მოვლენებს გამოეხმაურა.

წულუკიანის თქმით, დეპუტატები ნეგატიური პროცესების პროვოცირებას ცდილობდნენ.

მინისტრი მიიჩნევს, რომ სამართალდამცველებმა კანონის შესაბამისად იმოქმედეს:

“ვფიქრობ ნებისმიერი ციებ-ცხელება წინასაარჩევნო კამპანიის ნაწილია ნებისმიერ ქვეყანაში, დემოკრატიულ საზოგადოებაში, თუმცა რაც ჩვენ გუშინ ვიხილეთ, მინდა გაოცება გამოვთქვა იმასთან დაკავშირებით, როგორ იქცეოდა ზოგიერთი დეპუტატი და როგორ ცდილობდა პროვოცირებას ნეგატიური პროცესებისა. მინდა, ხაზი გავუსვა იმ რთულ სამუშაოს და მდგომარეობას, რომელშიც ქვეყნის პოლიციელები აღმოჩნდნენ, თუმცა, ვთვლი, მათი რეაქცია კანონის ფარგლებში იყო, ადეკვატური, და შესაბამისად , როგორც უწყებათაშორისი კომისიის თავმჯდომარემ, მინდა ყველას მოვუწოდო - პოლიტიკოს, დეპუტატს, მაჟორიტარობის კანდიდატს ნებისმიერი პარტიიდან, რომ ხელოვნურად ნუ შექმნიან დაძაბულობას, რადგან ამ ქვეყანაში წინასაარჩევნო კამპანიისას სახელმწიფოს მხრიდან დაძაბულობა არ არსებობს და შეეცადონ, რომ ერთმანეთს შეეჯიბრონ მშვიდ გარემოში, რადგან ნებისმიერ ასეთ პროვოცირებულ დაძაბულობებს, უყურებს ამომრჩეველი და ამომრჩეველზე უნდა იყოს გათვლილი ნებისმიერი ქმედება. ვიმედოვნებ, გუშინდელი ქმედებები ნეგატიურად არ აისახება ამომრჩევლის მხრიდან იმ პოლიტიკოსებზე და პარტიებზე, თუ პარტიაზე, ვინც ამაში მონაწილეობდა. კარგია, რომ მდგომარეობა მალე სიმშვიდეს დაუბრუნდა, ვისურვებ, რომ ვინც დააკავეს, მალე გათავისუფლებულიყოს, რათა შეძლონ გააგრძელონ მაქსიმალურად სწრაფად თავიანთი კამპანია, რომელიც უნდა აწარმოონ კანონის ფარგლებში”,-აღნიშნა წულუკიანმა.

ავტორი: ,

სოციალური ქსელები

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის

სესხების გაცემის წესი მკაცრდება

El Mundo: რუსეთის სადაზვერვო სამსახურები შეერთებულ შტატებში ოპოზიციის წარმომადგენლების, კასპაროვისა და პონომარევის მკვლელობას გეგმავდნენ