„ბატონ მინდია ჯანელიძეს სახელმწიფო უსაფრთხოებისა და  კრიზისების მართვის საბჭოს მდივნად დაბრუნება  შევთავაზე“,-ამის შესახებ პრემიერ-მინისტრმა ირაკლი ღარიბაშვილმა ბრიფინგზე მინისტრების წარდგენისას განაცხადა.

მისივე თქმით,  აღნიშნული სფერო უნდა ჩაიბაროს იმ  ადამიანმა, რომელმაც კარგად იცის ქვეყნის უსაფრთხოებასთან დაკავშირებული საკითხები.

„ბატონ მინდია ჯანელიძეს სახელმწიფო უსაფრთხოების და კრიზისების მართვის საბჭოს მდივნად დაბრუნება შევთავაზე.  ეს საბჭო გახლავთ ჩემი სათათბირო ორგანო, რომელიც მუშაობს ქვეყნის უსაფრთხოებასთან დაკავშირებულ საკითხებზე და ის უნდა ჩაიბაროს ადამიანმა, რომელმაც ეს სფერო ძალიან კარგად იცის. ბატონი დავით სუჯაშვილი, რომელიც დღემდე იყო ამავდროულად სახელმწიფო უსაფრთხოების საბჭოს მდივანი, იგი დაუბრუნდება თავის საქმიანოაბს, ანუ გააგრძელებს მოღვაწეობას დაზვერვის სამსახურის უფროსის თანამდებობაზე“,-განაცხადა ღარიბაშვილმა.

პრემიერმა განსაკუთრებული მადლობა გადაუხადა  მინდია ჯანელიძეს თავდაცვის მინისტრის პოსტზე გაწეული საქმიანობისთვის.

„იგი არის ნამდვილად მაღალი დონის  პროფესიონალი,  ღირსეული პატრიოტი და ნამდვილი მოქალაქე ჩვენი ქვეყნის“,-აღნიშნა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით