2015-05-01 07:31:44, 1708 ნახვა

---

მარგველაშვილი:გპირდებით, მუდმივად ვიქნები თქვენს გვერდით და თქვენთან ერთად საქართველოს თავდაცვისნურიანობას გავაძლიერებ

საქართველოს პრეზიდენტი გიორგი მარგველაშვილი თავდაცვის სამინისტროში შეიარაღებული ძალების დაარსების დღისადმი მიძღვნილ კონცერტს  დაესწრო. უმაღლესმა მთავარსარდალმა შეიარაღებული ძალების ყველა წევრს, თავდაცვის სამინისტროს წარმომადგენლებსა და მთელ საქართველოს დღევანდელი დღე მიულოცა.

 „მუდმივად ვიქნები თქვენს გვერდით და თქვენთან ერთად მუდმივად გავაძლიერებ საქართველოს თავდაცვისუნარიანობას,- ასე მიმართასაქართველოს პრეზიდენტმა გიორგი მარგველაშვილმა საქართველოს შეიარაღებულ ძალებს.

 "შეიარაღებულმა ძალებმა გაიარა ისეთი სკოლა, ისეთი წვრთნა და აქვს ისეთი მორალური მდგრადობა, რომ ნებისმიერ მომხდურს, რაც არუნდა ძლიერი სახელმწიფო იყოს ის, დააფიქრებს, რამდენად ღირს საქართველოს ინტერესების შელახვა. ეს მიღწეულია იმ ხალხის მიერ,ვინც დღესაც იცავს საქართველოს მოსახლეობის მშვიდ ძილს. ბევრი ხელის შემშლელი ფაქტორი იყო როგორც საგარეო, ისე საშინაო მიმართულებით, მაგრამ თითოეული ჯარისკაცი ემსახურებოდა და ემსახურება მთავარს – ქართულ სახელმწიფოებრიობას და ქართველხალხს. ქედს ვიხრი იმ ადამიანების წინაშე, ვინც დაეცა ბრძოლის ველზე, ვინც დაკარგა ჯანმრთელობა, მაგრამ ქედს ვიხრი ასევე იმადამიანების წინაშე, რომლებმაც საქართველოს ძლიერებასა და დამოუკიდებლობას წლები შესწირეს. გპირდებით, მუდმივად ვიქნები თქვენსგვერდით და თქვენთან ერთად მუდმივად გავაძლიერებ საქართველოს თავდაცვისნურიანობას და იმ მტკიცე იმედს, რომელიც იცავსსაქართველოს მომავალს. დღევანდელ დღეს გილოცავთ ყველას", - მიმართა უმაღლესმა მთავარსარდალმა  სამხედროებს. საქართველოს პრეზიდენტის განცხადებით შეიარაღებული ძალები 24 წლის წინ შეიქმნა, მაშინ როდესაც იქმნებოდა და სახეს იღებდა ახალიქართული სახელმწიფო.

"ამ დროს შეიქმნა ფარი, რომელიც დაიცავდა საქართველოს საზოგადოებას და მისცემდა საზოგადოებასშესაძლებლობას, რომ განვითარებულიყო და დამოუკიდებელი გამხდარიყო. მაშინ პატრიოტული სულისკვეთებით ანთებული ადამიანებიმიდიოდნენ  შეიარაღებულ ძალებში, რომ დაეცვათ ისტორიული სამართლიანობა  საქართველოს დამოუკიდებლობა და ერთიანობა. ბევრმა ადამიანმა თავი შესწირა სახელმწიფოს, რომელსაც დღეს ვაშენებთ, ეს 24 წელი არ იყო იოლი, მაგრამ დღეს გვყავს არმია, რომელიარმიაც აღიარებულია მთელი მსოფლიოს მიერ", - განაცხადა გიორგი მარგველაშვილმა.

საზეიმო ღონისძიებას პრეზიდენტის ადმინისტრაციის, მთავრობის, შეიარაღებული ძალების და დიპლომატიური კორპუსის წარმომადგენლები დაესწრნენ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი