საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე საერთაშორისო ურთიერთობების საკითხებზე მომუშავე ქართველ ექსპერტებსა და მედიის წარმომადგენლებთან რეგულარულ შეხვედრებს განაგრძობს. 

დღეს მინისტრი მათ საგარეო საქმეთა სამინისტროს მიერ ბოლო სამი თვის განმავლობაში განხორციელებული საქმიანობისა და სამომავლო გეგმების შესახებ მიაწვდის ინფორმაციას.

სამინისტროს ცნობით, მიხეილ ჯანელიძე მედიისა და სამოქალაქო საზოგადოების წარმომადგენლებთან შეხვედრისას მიმოიხილავს პარტნიორ ქვეყნებთან ურთიერთობების გაღრმავების კუთხით ორმხრივ და მრავალმხრივ ფორმატებში გადადგმულ ნაბიჯებს, საქართველოს ევროპული და ევრო-ატლანტიკური ინტეგრაციის კუთხით გაწეულ სამუშაოებს, ეკონომიკური დიპლომატიისა და საზღვარგარეთ ქვეყნის კულტურის წარმოჩენისათვის მიმდინარე და დაგეგმილ აქტივობებს.

საგარეო უწყების ხელმძღვანელი ასევე ისაუბრებს საქართველოს ოკუპირებულ ტერიტორიებზე განვითარებული მოვლენების, იქ არსებული მძიმე ჰუმანიტარული მდგომარეობის შესახებ და ამასთან დაკავშირებით საერთაშორისო საზოგადოების მობილიზების მიზნით საგარეო უწყების მიერ განხორციელებულ ქმედებებზე.

მინისტრი შეხვედრის მონაწილეებს ასევე გააცნობს ქართული დიასპორის წარმომადგენლებთან ურთიერთობების გაღრმავების კუთხით სამინისტროს საქმიანობის დეტალებს და ამ მიმართულებით დაგეგმილ სიახლეებს. მინისტრი ასევე ისაუბრებს სხვა პრიორიტეტული მიმართულებებით განხორციელებული ქმედებების შესახებ.

აღსანიშნავია, რომ საქართველოს საგარეო საქმეთა მინისტრმა ექსპერტებთან და მედიის წარმომადგენლებთან რეგულარული შეხვედრების ტრადიცია დაამკვიდრა, რომლის ფარგლებში, სამ თვეში ერთხელ მათ სამინისტროს მიმდინარე საქმიანობას აცნობს.

ავტორი: ,

სოციალური ქსელები

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის

სესხების გაცემის წესი მკაცრდება

El Mundo: რუსეთის სადაზვერვო სამსახურები შეერთებულ შტატებში ოპოზიციის წარმომადგენლების, კასპაროვისა და პონომარევის მკვლელობას გეგმავდნენ