2006 წლამდე აღებული მართვის მოწმობა 2018 წლიდან იურიდიულ ძალას დაკარგავს

2017-10-05 19:35:22, 3869 ნახვა

საზოგადოება

შინაგან საქმეთა სამინისტროს მომსახურების სააგენტოს ინფორმაციით, 2006 წლის პირველ აპრილამდე გაცემული მართვის მოწმობები 2018 წლის 1 იანვრამდე უნდა განახლდეს.

მომსახურების სააგენტოს სერვისების ცენტრალური ბიუროს უფროსის იმედა მაკასარაშვილის განცხადებით, ახალი მართვის მოწმობის ასაღებად, გამოცდის ხელახალი ჩაბარება საჭირო არ არის.

მისივე თქმით, დოკუმენტის შესაცვლელად 15 ლარის გადახდა და ჯანმრთელობის დამადასტურებელი ცნობის წარდგენაა საჭირო.

"მოქალაქეს დასჭირდება პირადობის მოწმობა, მის ხელთ არსებული მართვის მოწმობის დამადასტურებელი საბუთი და ჯანმრთელობის მდგომარეობის დამადასტურებელი ცნობა. ადგილზე ის 15 ლარს გადაიხდის. სხვა დამატებითი პროცედურების გავლა საჭირო არ იქნება. აღნიშნული საფასურის გადახდა, როგორც მექანიკური ასევე ავტომატური ძრავის მქონე ავტომობილის მფლობელებს მოუწევთ", - განაცხადა მაკასარაშვილმა.

რაც შეეხებათ იმ მძღოლებს, ვინც მართვის მოწმობები 2006 წლის 1 აპრილიდან 2014 წლის პირველ მარტამდე აიღო, მაკასარაშვილის ინფორმაციით, მათი განახლება 2028 წლისთვის იქნება საჭირო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები