ცენტრალურმა  საარჩევნო კომისიამ და ადგილობრივმა სადამკვირვებლო ორგანიზაციებმა ერთობლივ ქცევის კოდექსს მოაწერეს ხელი. აღნიშნული დოკუმენტი 2017 წლის 21 ოქტომბრის არჩევნებისთვის შემუშავდა და ის საქართველოს საარჩევნო  ადმინისტრაციასა და ადგილობრივ დამკვირვებელ ორგანიზაციებს შორის პროფესიული და ეთიკური ნორმების დაცვის შესახებ შეთანხმებას გულისხმობს.

კოდექსზე ხელმომწერი მხარეები თანხმდებიან, რომ 21 ოქტომბრის არჩევნებისთვის საქართველოს კანონმდებლობით, არჩევნების  საერთაშორისოდ  აღიარებული სტანდარტებით და აღნიშნული ქცევის კოდექსით იხელმძღვანელებენ.

ეს დოკუმენტი პირველად 2016 წლის 8 ოქტომბრის პარლამენტის არჩევნებისთვის შემუშავდა და მას ხელი მოაწერა როგორც ცენტრალური საარჩევნო კომისიის თავმჯდომარემ, ისე 23 ადგილობრივი სადამკვირვებლო ორგანიზაციის წარმომადგენელმა.

„ჩვენ დღეს ვთანხმდებით იმაზე, რომ ერთმანეთს ხელს  შევუწყობთ საქმიანობაში, არ ჩავერევით  ისეთ საქმეში, რომელიც ჩვენს კომპეტენციას არ განეკუთვნება, ამავდროულად, არ განვახორციელებთ ისეთ ქმედებებს, რომლებიც შესაძლოა, აღქმული იყოს  რომელიმე  სუბიექტის მხარდასაჭერად, ან საწინააღმდეგოდ. შესაბამისად, ეს არის  სწორედ ეთიკა, რომლითაც უნდა მუშაობდეს ყველა ჩართული მხარე, განსაკუთრებით ეს დღეს ჩვენი შეთანხმებით აღიარებული იქნებ სწორედ საარჩევნო ადმინისტრაციისა და არასამთავრობო ორგანიზაციების მიერ.  ეს პოზიტიური ტენდენცია, ეს პრაქტიკა პირველად ჩვენ დავამკვიდრეთ  2016 წლის  არჩევნებისთვის და დღესდღეობით თვითმმართველობის არჩევნებისთვის  ვაღიარებთ და  ვთანხმდებით ანალოგიურ პრინციპებზე, რომ პირველ რიგში მთავარ ფიგურანტს- ამომრჩეველს,  ხელი შეეწყოს, თავისუფლად გამოხატოს  საკუთარი ნება და მიიღოს 21 ოქტომბრის  არჩევნებში მონაწილეობა“,-განაცხადა ცესკო-ს თავმჯდომარე თამარ ჟვანიამ.

სურვილის შემთხვევაში დამკვირვებლად რეგისტრირებულ ორგანიზაციებს აქვთ შესაძლებლობა, ხელი მოაწერონ დოკუმენტს ცესკოში, რითაც ასევე გამოაცხადებენ თანხმობას, იმოქმედონ ქცევის კოდექსში გაწერილი ნორმების მიხედვით:

 „მსგავსი ტიპის დოკუმენტები ყოველთვის მოქმედებს  იმაზე, რომ საარჩევნო პროცესში ჩართული ყველა მხარე, როგორც საარჩევნო ადმინისტრაცია, ასევე სადამკვირვებლო ორგანიზაციები და სხვა სუბიექტები, ვიცავდეთ საარჩევნო პერიოდში იმ პრინციპებს, რა პრინციპებითაც იმართება საქართველოში არჩევნები, ეს არის როგორც საერთაშორისო სტანდარტები, ისე ადგილობრივი ჩვენი კანონმდებლობა, რომლის მიხედვითაც, საარჩევნო გარემო  თავისუფალი და სამართლიანი უნდა იყოს. სწორედ მსგავსი ტიპის დოკუმენტები მეტად უწყობს ხელს, რომ ჩვენი საქმიანობისას დავიცვათ კანონმდებლობა და ის შესაბამისობაში მოდიოდეს საერთაშორისო სტანდარტებთან“,-აღნიშნა საია-ს იურისტმა ირმა  პავლიაშვილმა.

(NS)

ავტორი: ,

სოციალური ქსელები

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა

ექიმი: ელენე ხოშტარიას აქვს ძლიერი ტკივილები, კვლევები მულტიპროფილურ კლინიკაში უნდა ჩაუტარდეს