საქართველოს პრეზიდენტმა პარლამენტს მთავრობის ახალი შემადგენლობა უნდა წარუდგინოს.

კონსტიტუციის თანახმად, მთავრობის თავდაპირველი შემადგენლობის 1/3–ით, მაგრამ არანაკლებ მთავრობის 5 წევრით განახლების შემთხვევაში, საქართველოს პრეზიდენტმა პარლამენტს მთავრობის ახალი შემადგენლობა უნდა წარუდგინოს. 

პრეზიდენტმა მთავრობის უფლებამოსილების მოხსნიდან 7 დღის ვადაში  პრემიერ–მინისტრის კანდიდატურა უნდა წამოაყენოს.  პრემიერ–მინისტრობის კანდიდატი  კი, 7 დღის ვადაში მინისტრთა კანდიდატურებს შეარჩევს და საქართველოს პარლამენტს მთავრობის შემადგენლობას წარუდგენს ნდობის მისაღებად. მთავრობის შემადგენლობასთან ერთად წარდგენილი უნდა იქნეს სამთავრობო პროგრამა. 
საქართველოს პარლამენტი მთავრობის შემადგენლობის წარდგენიდან 7 დღის ვადაში განიხილავს და კენჭს უყრის მთავრობის შემადგენლობისთვის ნდობის გამოცხადების საკითხს. 
პარლამენტის ნდობის მისაღებად საჭიროა 76 დეპუტატის მხარდაჭერა. 

მთავრობის შემადგენლობისთვის ნდობის გამოცხაებიდან 2 დღის ვადაში პრეზიდენტი ნიშნავს პრემიერ–მინისტრს. ხოლო პრემიერ–მინისტრი ასევე 2 დღის ვადაში – მთავრობის სხვა წევრებს. 

თუ პრეზიდენტი აღნიშნულ ვადაში არ გამოსცემს სამართლებრივ აქტს პრემიერ–მინისტრის დანიშვნის თაობაზე, პრემიერ–მინისტრი დანიშნულად ჩაითვლება. 

ცნობისთვის, ერთი  წლის განმავლობაში მთავრობაში საკადრო ცვლილებები განხორციელდა. 
პრემიერ–მინისტრი ირაკლი ღარიბაშვილის გადაწყვეტილებით, თავდაცვის მინისტი ირაკლი ალასანია მინდია ჯანელიძემ შეცვალა. ალასანიას გათავისუფლების შემდეგ თანამდებობები დატოვეს საგარეო საქმეთა მინისტრმა მაია ფანჯიკიძემ და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა. შინაგან საქმეთა მინისტრი ალექსანდრე ჭიკაიძემ თანამდებობა დატოვა და მისი ადგილი ვახტანგ გომელაურმა დაიკავა. რეგიონული განვითარებისა და ინფრასტრუქტურის მინისტრმა დავით შავლიაშვილმა თანამდებობა ჯანმრთელობის მდგომარეობის გამო დატოვა,  გარემოსა და ბუნებრივი რესურსების მინისტრმა ელგუჯა ხოკრიშვილმა კი, საზღვარგარეთ საცხოვრებლად წასვლის გამო დატოვა პოსტი. დღეს სპორტის მინისტრი დავით ყიფიანი გადადგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას