ჩვენ ყველაზე მეტად გვაღელვებს ის საკითხი, რომ საქართველო ძალის გამოუყენებლობის შესახებ შეთანხმების გაფორმებაზე უარს ამბობს, - ამის შესახებ ოკუპირებული სამხრეთ ოსეთის დე-ფაქტო პრეზიდენტმა ანატოლი ბიბილოვმა განაცხადა.

კითხვაზე რას ფიქრობს ნატო-საქართველოს ურთიერთობაზე, ე.წ. პრეზიდენტმა აღნიშნა, რომ ეს არანაკლებ შემაშფოთებელია, რადგან მისი შეფასებით, მსგავს პროცესებს ყოველთვის ქაოსი მოყვება.

თუმცა, მანვე დასძინა, რომ დე-ფაქტო რესპუბლიკაში ქაოსი არ მოხდება, რადგან "რუსეთი მშვიდობის გარანტია".

"ჩვენ არ გვსურს, რომ ეს ქაოსი სამხრეთ ოსეთის ტერიტორიაზე ისევ დაბრუნდეს. თუმცა, ეს ნაკლებად სავარაუდოა, თითქმის არარეალურია, ვინაიდან რუსეთის სახით ჩვენ უსაფრთხოების სერიოზული გარანტი გვყავს, საქართველოში მრავლად არიან ოსები, რომელთა ბედი ასევე მაღელვებს. ისინი ჩვენი ძმები არიან. მე მაღელვებს ისიც, რომ ჩვენს თანამოქალაქეებს არ უშვებენ ამჟამად საქართველოს ტერიტორიაზე, თრუსოს ხეობაში, სადაც მათი წინაპრების საფლავებია. ცნობილი ოსი მწერლების, გამოჩენილი საზოგადო მოღვაწეების საფლავები საქართველოს ტერიტორიაზეა და მათ ნათესავებს იქ მისვლა არ შეუძლიათ", - განაცხადა ანატოლი ბიბილოვმა.

ავტორი: ,

სოციალური ქსელები

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა

კაჩინსკიმ საკონსტიტუციო სასამართლოსთან დაკავშირებულ სიტუაციას სახელმწიფო გადატრიალება უწოდა

რუსეთი ოთხწლიანი პაუზის შემდეგ ჰოკეის მსოფლიო ჩემპიონატს დაუბრუნდება

პოლონეთის მმართველმა კოალიციამ საკონსტიტუციო სასამართლოს ხელმძღვანელის შეცვლა უზრუნველყო