შსს-ს საგანგებო სიტუაციების მართვის სააგენტოს ხელმძღვანელის ნიკოლოზ სირაძის განცხადებით, სოფელ ართანასთან არსებული ხანძრის გავრცელების საშიშროება არ არსებობს.

როგორც სირაძემ აღნიშნა, საგანგებო შტაბის წევრებმა ართანას მიმდებარე ტერიტორიის საკონტროლო შემოფრენა უკვე განახორციელეს.

მისივე განმარტებით, მეხანძრე-მაშველები განსაკუთრებულ დავალებათა დეპარტამენტთან ერთად ხანძრის ლოკალიზებას ცდილობენ.  

"შტაბის წევრებმა ართანას მიმდებარე ტერიტორიის საკონტროლო შემოფრენა განვახორციელეთ. ჩვენი მეხანძრე-მაშველები, განსაკუთრებულ დავალებათა დეპარტამენტის თანამშრომლებთან ერთად აქტიურად ახორციელებენ ხანძრის ქრობას და ნიადაგის დამუშავებას. არის რამდენიმე ღია კერა, რომელზეც შესაბამისი მოქმედებები ხორციელდება. გავრცელების საშიშროება არ არსებობს. ართანას მთის მიმდებარე ტერიტორიაზე ორი მხრიდან ხორციელდება ხანძრის ქრობის სამუშაოები. ვერტმფრენის მეშვეობით გადავიყვანეთ განსაკუთრებულ დავალებათა დეპარტამენტის თანამშრომლები და მეხანძრე მაშველები ხანძრის ეპიცენტრამდე. მეხანძრე-მაშველებმა ზედმიწევნით იციან ადგილობრივი ტერიტორია, რაც მათ მუშაობას უადვილებს. დაახლოებით 300-ზე მეტი მეხანძრე-მაშველი ქვემოდან მიიწევს კერამდე და ახდენს ლოკალიზებას აღნიშნული კერის. არის ძალიან რთული რელიეფი, რაც ძალიან გვიშლის ხელს სამუშაოში. თუმცა არსებული ვითარებიდან გამომდინარე მაქსიმუმს ვაკეთებთ იმისათვის, რომ ცეცხლის ლოკალიზება მოხდეს. ვცდილობთ ეს ლოკალიზება შემჭიდროვებულ ვადებში მოვახდინოთ", - განაცხადა ნიკოლოზ სირაძემ. 

ავტორი: ,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ