კახეთის გუბერნატორის, ირაკლი ქადაგიშვილის განცხადებით, სოფელ ართანასთან ხანძრის ქრობის პროცესში დიდი რაოდენობით ცოცხალი ძალა მუშაობს.

როგორც გუბერნატორმა აღნიშნა, ადგილზე მძიმე ტექნიკის აყვანა რთული რელიეფის გამო ვერ ხერხდება.

მისივე თქმით, ცეცხლის გავრცელების საშიშროება ამ ეტაპზე არ არსებობს.

"თუშეთის მიმართულებით სადაც სალიკვიდაციო სამუშაოები დიდი წარმატებით მიმდინარეობს დილიდან ჩავიტანეთ წყლის ავზი, უშუალოდ ცეცხლის არეალში. ეს ძალიან მოგვეხმარა ცეცხლის ჩაქრობის სამუშაოებში. დიდი რაოდენობით არის ცოცხალი ძალა შესული ართანაში. ეს არის გადამწყვეტი მნიშვნელობის იმიტომ, რომ ცეცხლი არის ციცაბო ადგილზე გაჩენილი და მეხანძრე-მაშველები ცეცხლის კერებთან უშუალო კავშირში არიან. გადასხმული დესანტის შედეგად საქმემ წინ წაიწია და ალპურ ზონაში ცეცხლი შეჩერებულია. ამიტომ, იქ ცეცხლის გავრცელების საშიშროება ამ ეტაპზე არ არსებობს", - აღნიშნა ქადაგიშვილმა.

რაც შეეხება ყვარლის ხანძარს, ქადაგიშვილის ინფორმაციით, ადგილზე მეხანძრე-მაშველები აგრძელებენ მუშაობას.

"ყვარელში მაშველები ახალი ძალით მუშაობენ. იქაც გვაქვს ცეცხლის ლოკალიზება. მაშველები მუშაობენ იმისთვის, რომ რ  დარჩეს სადმე ისეთი კერა, რომელიც ქარის ან სხვა პირობების შემთხვევაში გაღვივდეს", - დასძინა გუბერნატორმა.

ავტორი: ,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ