„პროპორციული სისტემის დანერგვის 2024 წლამდე გადადება, ასევე ის, რომ მხარეებმა კონსესუსს ვერ მიაღწიეს იმედგაცრუებას იწვევს“, - ამის შესახებ ვენეციის კომისიის პრეზიდენტის ჯანი ბუკიკიოს მიერ გავრცელებულ განცხადებაშია აღნიშნული.

ვენეციის კომისია მხარეებს მოუწოდებს, კონსტრუქციული დიალოგის მეშვეობით ფართო კონსენსუსს მიაღწიონ.

„მიმდინარე წლის ივნისში ვენეციის კომისიამ გამოაქვეყნა შესწორებული კონსტიტუციის პროექტის დადებითი შეფასება, მათ შორის იყო დეკლარირებული ნაბიჯი, რომელიც პარლამენტის ყველა წევრის პროპორციული სისტემით არჩევას გულისხმობდა. ჩვენ მივესალმეთ საქართველოს პარლამენტის თანამშრომლობასა და ნაკისრ ვალდებულებას არ მიეღოთ ის ცვლილებები, რომლებიც ვენეციის კომისიამ უარყოფითად შეაფასა.

შესაბამისად, პროპორციული სისტემის დანერგვის 2024 წლამდე გადადება, ასევე ის, რომ მხარეებმა კონსესუსს ვერ მიაღწიეს იმედგაცრუებას იწვევს.

6 სექტემბერს სტრასბურგში დაგეგმილი შეხვედრა გაუქმდა. მინდა ხაზგასმით აღვნიშნო, რომ მოლაპარაკებების გაგრძელება უშუალოდ ქართული მხარის პრეროგატივაა და ამ პროცესში ვენეციის კომისიის ჩართულობა საჭირო არ არის. მოვუწოდებთ ყველა მხარეს კონსტრუქციული დიალოგის მეშვეობით ფართო კონსენსუსს მიაღწიონ.

საქართველოს ხელისუფლებისგან კონსტიტუციის შესწორებულ პროექტს უმოკლეს ვადაში ველოდებით და მზად ვართ ჩვენი მოსაზრებები ერთ თვეში წარვადგინოთ, (6-7 ოქტომბერს ვენეციაში, პლენარული სესიის ფარგლებში). იმედს გამოვთქვამთ, რომ საქართველოს პარლამენტისთვის შესაძლებელი იქნება ცვლილებების შეტანა ამ მოსაზრების თანახმად და ფართო კონსენსუსის მიღწევა“, - აღნიშნულია ჯანი ბუკიკიოს განცხადებაში.

ავტორი: ,

სოციალური ქსელები

ტაკერ კარლსონი - აშშ-მ შესაძლოა ირანზე ბირთვული დარტყმა უახლოეს დღეებში განახორციელოს

ადვოკატი ღარიბაშვილის მიმართ სავარაუდო წამების ფაქტზე გამოძიების დაწყებას ითხოვს

რეპორტიორები საზღვრებს გარეშემ ბიძინა ივანიშვილი „პრესის თავისუფლების მტაცებელთა“ სიაში კვლავ შეიყვანა

ნანა სანდერს საპროცესო გაუფორმდა, ის ციხიდან 6 ნოემბერს გამოვა